ALCALDÍA
Recepción ás persoas participantes no V Congreso Internacional de Medio Ambiente e Saúde na Era do Desenvolvemento Sostible
14/05/2018 O alcalde de Santiago, Martiño Noriega, recibiu no Pazo de Raxoi as persoas participantes no V Congreso Internacional de Medio Ambiente e Saúde na Era do Desenvolvemento Sostible, que se celebra do 14 ao 16 de maio no Hostal dos Reis Católicos.
"Novos retos de futuro para Galicia e o Planeta" é o título desta edición do Congreso, organizado no marco do Programa Galego Municipios Saudables e Sostibles 2000-2020. Debaterase en torno a cuestións como a mobilización mundial na loita contra o cambio climático cara a saúde ambiental do Planeta; a construción de cidades máis saudables e sostibles; o fomento da avaliación do impacto ambiental na saúde; o impulso da I+D+i, do emprendemento verde e do modelo de economía circular que garanta o futuro do medio ambiente; ou o impulso do turismo sostible no Camiño de Santiago.