CONSORCIO
A Orquestra da Escola de Altos Estudos Musicais está integrada por alumnado do Curso de Especialización Instrumental do centro, que toca o violín, viola, violoncello, contrabaixo, frauta, óboe, clarinete, fagot, trompa, trompeta, trombón e a percusión. Sumaranse ademais intérpretes convidados/as de diferentes conservatorios de Galicia.
A cita musical terá unha duración aproximada dunha hora. A batuta levaraa o mestre compostelán Maximino Zumalave, director asociado da Escola de Altos Estudos Musicais e da Real Filharmonía de Galicia.
Os/as músicos/as noveis comezarán coa interpretación da Sinfonía nº 104 "Londres" do compositor austríaco Franz Joseph Haydn (1732-1809), un dos máximos representantes do período clásico e coñecido como "o pai da sinfonía" pola súa aportación ao xénero. Esta é a súa derradeira sinfonía e a última das doce coñecidas como "Sinfonías de Londres", que o autor compuxo para o público londiniense.
A continuación, os asistentes terán a oportunidade de escoitar a Sinfonía "Inacaba" do tamén austríaco Franz Schubert (1797-1828), considerado o introdutor do romanticismo musical. Esta obra foi descuberta varios anos despois da morte do compositor. O nome de "Inacabada" débese a que só consta de dous movementos, aínda que nada demostra que Schubert pensara facer o resto, co que a obra podería estar completa. Moitos opinan que a abandonou ao decatarse de que padecía sífilis.
O concerto repetirase o sábado en Santiago, no Auditorio da Escola, ás 21:00 horas, onde as entradas serán gratuítas ata completar o aforo.
A Orquestra da Escola de Altos Estudos Musicais ofrece un concerto benéfico a favor de Aldeas Infantís este venres en Vigo
14/03/2018 A Orquestra da Escola de Altos Estudos Musicais (EAEM), con sede en Santiago de Compostela, ofrece este venres, 16 de marzo, un concerto benéfico en Vigo a favor de Aldeas Infantís SOS Galicia, de axuda á infancia. A cita será no Teatro Afundación ás 20:00 horas.
As entradas poden adquirirse de xeito anticipado nas sedes de Afundación en Vigo, Ourense, Santiago de Compostela e A Coruña. O día do concerto estarán a disposición do público, dende unha hora e media antes do inicio do mesmo, no despacho de billetes do Teatro Afundación de Vigo.A Orquestra da Escola de Altos Estudos Musicais está integrada por alumnado do Curso de Especialización Instrumental do centro, que toca o violín, viola, violoncello, contrabaixo, frauta, óboe, clarinete, fagot, trompa, trompeta, trombón e a percusión. Sumaranse ademais intérpretes convidados/as de diferentes conservatorios de Galicia.
A cita musical terá unha duración aproximada dunha hora. A batuta levaraa o mestre compostelán Maximino Zumalave, director asociado da Escola de Altos Estudos Musicais e da Real Filharmonía de Galicia.
Os/as músicos/as noveis comezarán coa interpretación da Sinfonía nº 104 "Londres" do compositor austríaco Franz Joseph Haydn (1732-1809), un dos máximos representantes do período clásico e coñecido como "o pai da sinfonía" pola súa aportación ao xénero. Esta é a súa derradeira sinfonía e a última das doce coñecidas como "Sinfonías de Londres", que o autor compuxo para o público londiniense.
A continuación, os asistentes terán a oportunidade de escoitar a Sinfonía "Inacaba" do tamén austríaco Franz Schubert (1797-1828), considerado o introdutor do romanticismo musical. Esta obra foi descuberta varios anos despois da morte do compositor. O nome de "Inacabada" débese a que só consta de dous movementos, aínda que nada demostra que Schubert pensara facer o resto, co que a obra podería estar completa. Moitos opinan que a abandonou ao decatarse de que padecía sífilis.
O concerto repetirase o sábado en Santiago, no Auditorio da Escola, ás 21:00 horas, onde as entradas serán gratuítas ata completar o aforo.