CONSORCIO
Profesor de fagot na Universidade de Évora
Eduardo Sirtori é natural da cidade arxentina de Santa Fe, onde deu os seus primeiros pasos con este peculiar instrumento e posteriormente continuou os seus estudos musicais en Bos Aires. Da súa terra natal trasládase a Europa para formarse cos máis prestixiosos profesores en Alemaña, na Escola Superior Robert Schumann de Düsseldorf, onde se diplomou coa nota máxima. En 1999 foi premiado pola Unesco polo seu traballo no campo da música de cámara e ten recibido innumerables galardóns neste eido.
Na actualidade é profesor de música de cámara e de fagot na Universidade de Évora (Portugal), ao tempo que imparte clases maxistrais en Portugal, Alemaña, Canadá, España, Brasil e Arxentina. Ademais de docente, mantén a súa actividade concertística internacional, colaborando coas máis importantes orquestras en América e Europa, baixo a batuta dos máis grandes directores.
O fagotista arxentino Eduardo Sirtori impartirá clases a músicos galegos
03/11/2017 A Escola de Altos Estudos Musicais (EAEM), con sede en Santiago de Compostela, dispón dun programa de formación permanente dirixido a intérpretes noveis. No marco deste proxecto, ofrécese a posibilidade de asistir ao longo do ano a unha serie de clases maxistrais que imparten solistas de recoñecido prestixio internacional. Este mes contarase coa presenza do aclamado fagotista arxentino Eduardo Sirtori. Xunto aos alumnos e alumnas da Escola, tamén poden asistir músicos/as externos ao centro.
As clases celebraranse o mércores 15 de novembro, pola mañá de 10:00 a 13:00 horas e pola tarde de 16:00 a 20:00 horas. Os/as músicos/as que desexen participar nestas sesións poderán matricularse a través da páxina web da Escola: www.eaem.es. Os/as aspirantes deben estar cursando como mínimo os últimos cursos de grao medio de música. A selección farase por rigorosa orde de presentación de solicitudes.Profesor de fagot na Universidade de Évora
Eduardo Sirtori é natural da cidade arxentina de Santa Fe, onde deu os seus primeiros pasos con este peculiar instrumento e posteriormente continuou os seus estudos musicais en Bos Aires. Da súa terra natal trasládase a Europa para formarse cos máis prestixiosos profesores en Alemaña, na Escola Superior Robert Schumann de Düsseldorf, onde se diplomou coa nota máxima. En 1999 foi premiado pola Unesco polo seu traballo no campo da música de cámara e ten recibido innumerables galardóns neste eido.
Na actualidade é profesor de música de cámara e de fagot na Universidade de Évora (Portugal), ao tempo que imparte clases maxistrais en Portugal, Alemaña, Canadá, España, Brasil e Arxentina. Ademais de docente, mantén a súa actividade concertística internacional, colaborando coas máis importantes orquestras en América e Europa, baixo a batuta dos máis grandes directores.