ALCALDÍA
"Xuntos somos máis intelixentes"
O concelleiro de Espazos Cidadáns, Dereito á Vivenda e Mobilidade explicou que o proxecto Smarter Together estase a centrar na procura de medidas de eficiencia enerxética para a redución de emisións contaminantes. Jorge Duarte apuntou que as cidades implicadas están traballando en diferentes eixos temáticos "que van desde a mellora da participación cidadá á implantación da calefacción de distrito, pasando pola mobilidade sustentable".
O edil recoñeceu que hai cuestións nas que Santiago está especialmente interesado en coñecer experiencias doutras urbes "como a calefacción de barrio con enerxías renovables", e apuntou que Compostela xa está dando pasos noutras cuestións como "a aposta por un modelo de mobilidade máis sustentable e intelixente". Duarte explicou que todas as medidas se queren adoptar desde unha aposta pola participación da cidadanía, e de aí o lema do proxecto Smarter Together, "Xuntos somos máis intelixentes".
Obxectivos coincidentes coa EDUSI
Ao longo da xornada de traballo, representantes do Concello de Santiago explicarán as iniciativas que se están a impulsar e que teñen obxectivos coincidentes co programa Smarter Together. Así, a concelleira de Economía e Facenda, María Rozas, adiantou na inauguración as liñas nas que se base a EDUSI de Compostela, que se está empezando a implementar grazas a unha achega europea de dez millóns de euros. A edil explicou que a Estratexia de Desenvolvemento Urbano Sostible Integrado tamén pretende acadar "unha Compostela máis sostible, máis eficiente na xestión dos recursos, máis habitable e máis inclusiva". Eses obxectivos plasmaranse en accións concretas relacionadas coa mobilidade, a modernización da administración, a mellora dos espazos públicos ou o coidado do patrimonio ambiental da cidade. Tamén se aplicarán medidas para reducir o consumo enerxético, unha das liñas de traballo do programa europeo Smarter Together.
Pola súa banda, o concelleiro de Medio Ambiente e Convivencia dará conta do PAES, o Plan de Acción para as Enerxías Sostibles, "co que o Concello pretende reducir nun 40% as emisións contaminantes no ano 2030". Para iso, segundo apuntou Xan Duro, poranse en marcha medidas para lograr o aforro enerxético en edificios e equipamentos municipais, no alumeado público, no eido dos transportes e mesmo na xestión dos residuos.
Smarter Together
O proxecto europeo Smarter Together ten como obxectivo mellorar a calidade de vida nas cidades a través das tecnoloxías intelixentes. As áreas de traballo nas que se está a desenvolver a estratexia son: plataforma integrada de datos, participación e compromiso cidadán, rehabilitación enerxética en edificios, mobilidade sostible, e "district heating" e enerxías renovable.
Compostela é socio do Smarter Together como cidade "seguidora", xunto con Venecia e Sofía. O proxecto está liderado polas chamadas "cidades faro": Lyon, Munich e Viena, que será onde se poñan en marcha ao longo de cinco anos as accións financiadas con 29 millóns de euros de fondos europeos do programa Horizon 2020.
Santiago acolle unhas xornadas de traballo do proxecto Smarter Together
25/10/2017 O alcalde, Martiño Noriega, inaugurou esta mañá as xornadas de traballo do proxecto europeo Smarter Together que se celebran hoxe e mañá na capital galega. No encontro, que se está a desenvolver no Centro de Interpretación de Parques e Xardíns de Belvís, participan representantes de Lyon, Munich e Viena, as cidades "faro" do programa; e tamén das chamadas "cidades seguidoras": Sofía, Venecia e Santiago. Ademais, ao encontro acudiron como invitados representantes do Concello de Barcelona e do EnergyLab.
O alcalde salientou o obxectivo do programa Smarter Together de "empoderar á veciñanza para que poida repensar, decidir e co-crear a súa cidade a través da participación". Martiño Noriega sinalou que "ser intelixente significa conservar o legado da historia para o futuro das seguintes xeracións, a partir dunha aposta decidida pola sustentabilidade patrimonial e ambiental, como a que fai o proxecto europeo"."Xuntos somos máis intelixentes"
O concelleiro de Espazos Cidadáns, Dereito á Vivenda e Mobilidade explicou que o proxecto Smarter Together estase a centrar na procura de medidas de eficiencia enerxética para a redución de emisións contaminantes. Jorge Duarte apuntou que as cidades implicadas están traballando en diferentes eixos temáticos "que van desde a mellora da participación cidadá á implantación da calefacción de distrito, pasando pola mobilidade sustentable".
O edil recoñeceu que hai cuestións nas que Santiago está especialmente interesado en coñecer experiencias doutras urbes "como a calefacción de barrio con enerxías renovables", e apuntou que Compostela xa está dando pasos noutras cuestións como "a aposta por un modelo de mobilidade máis sustentable e intelixente". Duarte explicou que todas as medidas se queren adoptar desde unha aposta pola participación da cidadanía, e de aí o lema do proxecto Smarter Together, "Xuntos somos máis intelixentes".
Obxectivos coincidentes coa EDUSI
Ao longo da xornada de traballo, representantes do Concello de Santiago explicarán as iniciativas que se están a impulsar e que teñen obxectivos coincidentes co programa Smarter Together. Así, a concelleira de Economía e Facenda, María Rozas, adiantou na inauguración as liñas nas que se base a EDUSI de Compostela, que se está empezando a implementar grazas a unha achega europea de dez millóns de euros. A edil explicou que a Estratexia de Desenvolvemento Urbano Sostible Integrado tamén pretende acadar "unha Compostela máis sostible, máis eficiente na xestión dos recursos, máis habitable e máis inclusiva". Eses obxectivos plasmaranse en accións concretas relacionadas coa mobilidade, a modernización da administración, a mellora dos espazos públicos ou o coidado do patrimonio ambiental da cidade. Tamén se aplicarán medidas para reducir o consumo enerxético, unha das liñas de traballo do programa europeo Smarter Together.
Pola súa banda, o concelleiro de Medio Ambiente e Convivencia dará conta do PAES, o Plan de Acción para as Enerxías Sostibles, "co que o Concello pretende reducir nun 40% as emisións contaminantes no ano 2030". Para iso, segundo apuntou Xan Duro, poranse en marcha medidas para lograr o aforro enerxético en edificios e equipamentos municipais, no alumeado público, no eido dos transportes e mesmo na xestión dos residuos.
Smarter Together
O proxecto europeo Smarter Together ten como obxectivo mellorar a calidade de vida nas cidades a través das tecnoloxías intelixentes. As áreas de traballo nas que se está a desenvolver a estratexia son: plataforma integrada de datos, participación e compromiso cidadán, rehabilitación enerxética en edificios, mobilidade sostible, e "district heating" e enerxías renovable.
Compostela é socio do Smarter Together como cidade "seguidora", xunto con Venecia e Sofía. O proxecto está liderado polas chamadas "cidades faro": Lyon, Munich e Viena, que será onde se poñan en marcha ao longo de cinco anos as accións financiadas con 29 millóns de euros de fondos europeos do programa Horizon 2020.