INCENDIOS

Controlados dous lumes en Grixoa e Villestro

09/08/2017 Na tarde deste mércores rexistráronse dous pequenos incendios nas parroquias de Villestro e Grixoa que, a estas horas, xa foron controlados polos servizos de emerxencia. No operativo da Xunta tamén participaron Protección Civil e os Bombeiros de Santiago, que refrescaron a zona para evitar o repunte das lapas.

Os lumes declaráronse ás 18:20 e 18:50 horas en zonas de carácter forestal. Ata esas parroquias desprazáronse a alcaldesa accidental, María Rozas; o concelleiro de Medio Rural, Rafael Peña, e o coordinador do Gabinete de Alcaldía, Miguel Penas, para seguir de preto os traballos de extinción e estar coa veciñanza da zona.

Compartir: