CENTROS SOCIOCULTURAIS
Oportunidade única para os actores e actrices
O coordinador dos grupos de teatro dos Centros Socioculturais, Roberto Casal, explicou que todos os actores e actrices están moi ilusionados por poder actuar no Teatro Principal "porque é un referente para todos os que nos dedicamos a isto e para o conxunto da cidadanía de Compostela". Tamén quixo poñer en valor o traballo dos grupos de teatro amador "que son os que permiten que moitos nenos e nenas sigan sendo aficionados ao teatro no futuro".
Doce espectáculos en catro días
Do 27 ao 30 de xuño poderanse ver no Principal doce montaxes, a cargo dos grupos de teatro de oito centros socioculturais distintos. En cada xornada haberá dúas sesión: unha con grupos infantís e xuvenís ás seis da tarde, e outra con grupos de adultos ás 20.30 horas.
A Mostra de Teatro abrirase cos grupos xuvenís dos centros socioculturais de Santa Marta e o Ensanche. O primeiro porá en escena "A Galiña Azul", baseado nun texto de Carlos Casares, mentres que o espectáculo do CSC do Ensanche leva por título "Noticias TV Plin 2. O Regreso". No martes 27, a sesión dos grupos adultos correrá a cargo do Local sociocultural da Rocha, con "Xogo de Damas".
No mércores 28 de xuño, ás 18.00 subirase ao escenario do Teatro Principal o grupo do CSC do Castiñeiriño, con "Meteoro", mentres que ás 20.30 horas representarase "…e din que chove", co grupo do CSC de Santa Marta.
No xoves 29, o protagonismo na sesión infantil e xuvenil será para o grupo do Local sociocultural de Marrozos, que representará dúas obras: "O autobús", e "A casa de Bernarda Alba". Na sesión das 20.30 horas, poderemos ver "O último baile", co grupo do CSC As Fontiñas.
Na última xornada da Mostra, o venres 30 de xuño, haberá tres propostas do grupo de teatro do CSC de Conxo a partir das 18.00 horas: "Nadarín", "Un día no parque", e unha montaxe de danza. O programa pecharase ás 20.30 co grupo do centro sociocultural de Vite, que porá en escena "Lisístrata".
Os espectáculos serán de entrada libre ata completar aforo.
Os grupos de teatro dos Centros Socioculturais mostrarán o seu traballo no Principal
22/06/2017 O Teatro Principal acollerá do 27 ao 30 de xuño a Mostra de Teatro organizada pola rede de Centros Socioculturais. O ciclo foi presentado hoxe pola concelleira Concha Fernández, que salientou "a gran oportunidade que supón para os grupos de teatro afeccionado poder participar neste certame, e o especial que é para eles actuar no escenario máis emblemático de Compostela".
A concelleira de Centros Socioculturais explicou que "é a primeira vez que se organiza unha mostra destas características, nas que todos os grupos de teatro dos centros poden mostrar o seu traballo no Principal". Concha Fernández destacou a participación de todas as formacións vinculadas á rede, un total de oito procedentes dos centros de Santa Marta, O Ensanche, A Rocha, O Castiñeiriño, Marrozos, As Fontiñas, Conxo, e Vite. Cada un deles teñen unha media de entre doce e quince integrantes.Oportunidade única para os actores e actrices
O coordinador dos grupos de teatro dos Centros Socioculturais, Roberto Casal, explicou que todos os actores e actrices están moi ilusionados por poder actuar no Teatro Principal "porque é un referente para todos os que nos dedicamos a isto e para o conxunto da cidadanía de Compostela". Tamén quixo poñer en valor o traballo dos grupos de teatro amador "que son os que permiten que moitos nenos e nenas sigan sendo aficionados ao teatro no futuro".
Doce espectáculos en catro días
Do 27 ao 30 de xuño poderanse ver no Principal doce montaxes, a cargo dos grupos de teatro de oito centros socioculturais distintos. En cada xornada haberá dúas sesión: unha con grupos infantís e xuvenís ás seis da tarde, e outra con grupos de adultos ás 20.30 horas.
A Mostra de Teatro abrirase cos grupos xuvenís dos centros socioculturais de Santa Marta e o Ensanche. O primeiro porá en escena "A Galiña Azul", baseado nun texto de Carlos Casares, mentres que o espectáculo do CSC do Ensanche leva por título "Noticias TV Plin 2. O Regreso". No martes 27, a sesión dos grupos adultos correrá a cargo do Local sociocultural da Rocha, con "Xogo de Damas".
No mércores 28 de xuño, ás 18.00 subirase ao escenario do Teatro Principal o grupo do CSC do Castiñeiriño, con "Meteoro", mentres que ás 20.30 horas representarase "…e din que chove", co grupo do CSC de Santa Marta.
No xoves 29, o protagonismo na sesión infantil e xuvenil será para o grupo do Local sociocultural de Marrozos, que representará dúas obras: "O autobús", e "A casa de Bernarda Alba". Na sesión das 20.30 horas, poderemos ver "O último baile", co grupo do CSC As Fontiñas.
Na última xornada da Mostra, o venres 30 de xuño, haberá tres propostas do grupo de teatro do CSC de Conxo a partir das 18.00 horas: "Nadarín", "Un día no parque", e unha montaxe de danza. O programa pecharase ás 20.30 co grupo do centro sociocultural de Vite, que porá en escena "Lisístrata".
Os espectáculos serán de entrada libre ata completar aforo.