ALCALDÍA
A Consellería de Sanidade cede os terreos necesarios para prolongar as sendas verdes do Sar
12/05/2017 O alcalde de Santiago e o conselleiro de Sanidade veñen de asinar o convenio para a cesión dos terreos, propiedade do Sergas, necesarios para que o Concello lle dea continuidade ás sendas verdes das beiras do Sar. O acordo foi subscrito na reunión que mantiveron esta semana Martiño Noriega e Jesús Vázquez Almuíña.
O acordo, que xa recibira o visto bo da Xunta de Goberno, permite a cesión ao Concello duns terreos na servidume de paso do río Sar, propiedade do Sergas. Trátase dunha banda de cinco metros en cada marxe do Sar medidos dende o punto das máximas crecidas ordinarias do río. Na marxe dereita atópase o Hospital Psiquiátrico de Conxo e na marxe esquerda o Hospital Provincial de Conxo, pertencentes ao Complexo Hospitalario Universitario de Santiago.