FACENDA
Os orzamentos municipais para 2007 ascenderán a 108 millóns de euros
01/12/2006 O alcalde compostelán, Xosé A. Sánchez Bugallo, anunciou o acordo entre os dous grupos municipais de Goberno para os ornamentos de 2007, que ascenden a 108 millóns de euros, dos que 26,5 se destinarán a investimentos. Os orzamentos serán presentados en breve polo concelleiro de Facenda, Xaquín Fernández Leiceaga.
O calendario indicado polo alcalde prevé que os orzamentos sexan sometidos á aprobación da Xunta de Goberno local do luns 18 de decembro. Posteriormente pasarán pola Comisión Informativa de Facenda. Finalmente, as contas municipais serán levadas ao Pleno municipal previsto para o xoves 28 de decembro.