MOBILIDADE
A cidade para os peóns
Na súa intervención no congreso, o concelleiro de Espazos Cidadáns, Dereito á Vivenda e Mobilidade reiterou a aposta do Concello de Santiago por "un cambio do modelo de cidade, no que o vehículo privado deixe espazo para os peóns". Para iso, apuntou, "será preciso fomentar os modos peonís, a bicicleta e o transporte público". Jorge Duarte indicou que, para fomentar o uso do autobús, é preciso mellorar a fiabilidade e a confianza no sistema de transporte público, así como "conseguir que viaxar en autobús non sexa máis lento que facelo no vehículo privado".
Jorge Duarte reivindica un ente supramunicipal que xestione directamente o transporte metropolitano
09/03/2017 O concelleiro de Espazos Cidadáns, Dereito á Vivenda e Mobilidade apostou hoxe pola creación dun ente supramunicipal que xestione de maneira directa o transporte metropolitano. Foi durante o relatorio que pronunciou no congreso organizado pola publicación Carrilbus, e no que participaron asociacións e empresarios do transporte de toda Galicia.
Jorge Duarte sinalou que "é necesaria unha mellor coordinación entre o transporte urbano e o interurbano, e para iso a mellor ferramenta é un ente supramunicipal que defina cales son as frecuencias e as liñas máis necesarias". Para o concelleiro, "este momento no que a Xunta ten que sacar as novas concesións das liñas, despois de 30 anos, é propicio para repensar o sistema do transporte metropolitano". Segundo apuntou Duarte, cinco concellos da área de Santiago téñenlle trasladado xa á Xunta a súa aposta pola posta en marcha dese ente supramunicipal, e súa reivindicación para ser tidos en conta á hora de facer o novo deseño de liñas.A cidade para os peóns
Na súa intervención no congreso, o concelleiro de Espazos Cidadáns, Dereito á Vivenda e Mobilidade reiterou a aposta do Concello de Santiago por "un cambio do modelo de cidade, no que o vehículo privado deixe espazo para os peóns". Para iso, apuntou, "será preciso fomentar os modos peonís, a bicicleta e o transporte público". Jorge Duarte indicou que, para fomentar o uso do autobús, é preciso mellorar a fiabilidade e a confianza no sistema de transporte público, así como "conseguir que viaxar en autobús non sexa máis lento que facelo no vehículo privado".