ACCIÓN CULTURAL
As entradas para cada encontro terán un prezo de 10 euros (5 euros para desempregados, maiores de 65 anos, xubilados, menores de 25 anos, estudantes, familias monoparentais, familias numerosas e perceptores de rendas sociais) e poden mercarse a partir desta tarde no despacho de billetes do Teatro Principal (aberto de martes a sábado de 18:00 a 21:00 horas), no 902 434 443 ou en entradas.abanca.com.
Compostela Conversa é un ciclo de concertos de carácter único que busca fomentar a promoción do novo talento e a reflexión sobre a escena actual, dando voz aos artistas máis alá da actuación musical. Pero ademais dun ciclo de concertos, tamén é un espazo de conversa aberta ao público. Preténdese abrir un debate plural sobre a creatividade, o traballo dos artistas, a situación do novo talento e calquera tema que enriqueza a ruptura da parede entre espectador e artista durante un concerto. Un espazo de diálogo entre as propias bandas e músicos, que poña en contacto o talento galego emerxente con artistas de outros estilos, xeografías e épocas.
O público pode enviar as súas preguntas a cada un dos grupos previamente a través da conta de correo electrónico compostelaconversa@gmail.com e os e as artistas responderán o mesmo día do concerto en directo.
Compostela Conversa, diálogos musicais e concertos, novo ciclo de Acción Cultural
07/03/2017 A primeira tenente de alcalde, María Rozas, presentou esta mañá o novo ciclo da Concellaría de Acción Cultural, Compostela Conversa, no que poderemos ver a grupos dialogando arredor da música para despois ofrecernos un concerto. Fíxoo acompañada de Cristina V. Miranda, directora artística do ciclo.
Compostela Conversa celebrarase un domingo ao mes de marzo a xuño, sempre ás 20:00 horas e no Teatro Principal. O 19 de marzo estarán Trilitrate con Joana Barra Vaz; o 30 de abril, Atrás Tigre con Lorena Álvarez y su Banda Municipal; o 21 de maio, conversarán Os Amigos dos Músicos con Luis Emilio Batallán; e pechan o ciclo, o 25 de xuño, Guerrera e Totale.As entradas para cada encontro terán un prezo de 10 euros (5 euros para desempregados, maiores de 65 anos, xubilados, menores de 25 anos, estudantes, familias monoparentais, familias numerosas e perceptores de rendas sociais) e poden mercarse a partir desta tarde no despacho de billetes do Teatro Principal (aberto de martes a sábado de 18:00 a 21:00 horas), no 902 434 443 ou en entradas.abanca.com.
Compostela Conversa é un ciclo de concertos de carácter único que busca fomentar a promoción do novo talento e a reflexión sobre a escena actual, dando voz aos artistas máis alá da actuación musical. Pero ademais dun ciclo de concertos, tamén é un espazo de conversa aberta ao público. Preténdese abrir un debate plural sobre a creatividade, o traballo dos artistas, a situación do novo talento e calquera tema que enriqueza a ruptura da parede entre espectador e artista durante un concerto. Un espazo de diálogo entre as propias bandas e músicos, que poña en contacto o talento galego emerxente con artistas de outros estilos, xeografías e épocas.
O público pode enviar as súas preguntas a cada un dos grupos previamente a través da conta de correo electrónico compostelaconversa@gmail.com e os e as artistas responderán o mesmo día do concerto en directo.