NADAL 2016
O obxectivo da charla radica no fomento do produto local e de proximidade e a posta en valor na nosa gastronomía, que non ten nada que envexar á famosa dieta mediterránea. A dieta atlántica parte da importancia dos alimentos de temporada, locais, frescos e minimamente procesados, sobre todo procedentes de vexetais: verduras e hortalizas, froitas, cereais, patacas, noces e leguminosas. Tamén pretende fomentar o consumo abundante de peixes e mariscos, ben sexan frescos, conxelados ou en conserva; leite e derivados, carne de porco, vacún, caza e aves, acompañados do consumo de viño, normalmente coas comidas e en cantidades moderadas.
A entrada é de balde ata completar aforo.
Rosaura Leis
É vicepresidenta da Fundación Dieta Atlántica da USC, profesora titular de Pediatría na Facultade de Medicina, líder do Grupo de Investigación en Nutrición Pediátrica do Instituto de Investigación de Santiago-Instituto de Salud Carlos III e coordinadora da Unidade de Gastroenteroloxía e Nutrición Pediátrica do CHUS.
Rosaura Leis ofrece unha conferencia sobre os beneficios da dieta atlántica
12/12/2016 A Aula Gastrocultural do Mercado de Abastos acolle este sábado 17 de decembro, a partir das 12:00 horas, unha conferencia sobre os beneficios da dieta atlántica a cargo de Rosaura Leis. Trátase dunha actividade que se realiza dentro da programación de Nadal 2016.
A conferencia versará sobre os beneficios da dieta atlántica e o aproveitamento do produto de tempada. Será impartida por Rosaura Leis, que é a vicepresidenta da Fundación da Dieta Atlántica, nacida co obxectivo de fomentar o estudo, a investigación e a difusión da dieta atlántica para a saúde e o benestar da poboación.O obxectivo da charla radica no fomento do produto local e de proximidade e a posta en valor na nosa gastronomía, que non ten nada que envexar á famosa dieta mediterránea. A dieta atlántica parte da importancia dos alimentos de temporada, locais, frescos e minimamente procesados, sobre todo procedentes de vexetais: verduras e hortalizas, froitas, cereais, patacas, noces e leguminosas. Tamén pretende fomentar o consumo abundante de peixes e mariscos, ben sexan frescos, conxelados ou en conserva; leite e derivados, carne de porco, vacún, caza e aves, acompañados do consumo de viño, normalmente coas comidas e en cantidades moderadas.
A entrada é de balde ata completar aforo.
Rosaura Leis
É vicepresidenta da Fundación Dieta Atlántica da USC, profesora titular de Pediatría na Facultade de Medicina, líder do Grupo de Investigación en Nutrición Pediátrica do Instituto de Investigación de Santiago-Instituto de Salud Carlos III e coordinadora da Unidade de Gastroenteroloxía e Nutrición Pediátrica do CHUS.