CULTURA E EDUCACIÓN
Cursos, servizos de autoedición, informacións de todo tipo, axenda de actividades de cada mes, intercambios con outras cidades, consellos e apoio para a montaxe, a creación e a difusión de espectáculos, así como espazos para expoñer a creatividade de cada un. O obxectivo é ofrecer un lugar onde os creadores e creadoras poidan ver reforzado o seu traballo artístico e a súa capacidade de organización e, ao mesmo tempo, facilitar ao público o acceso ás correntes artísticas máis actuais. A idea é construír todo isto desde a colaboración cos distintos colectivos, proxectos, institucións e circuítos implicados na dinamización da creación cultural.
Este espazo municipal pretende tamén servir de trampolín dos artistas máis novos que por razóns diversas non contan con lugares estables onde desenvolver o proceso creativo. Con esta perspectiva, unha das funcións deste equipamento é contribuír á igualdade de oportunidades no mundo artístico.
O Centro disporá dun espazo con tres módulos para a creación e a dispoñibilidade de ensaios que dean cabida a todo tipo de manifestacións artísticas. Tamén haberá un espazo de formación, cunha programación estable en base a cursos e talleres artísticos sobre especialidades diversas: música, expresión corporal, artes plásticas, malabares, circo, mimo, artesanía, cómic, etc. Finalmente, habilitarase un módulo de difusión, no que se pretende xerar a elaboración dunha publicación periódica, así como a publicidade dunha boa parte das actividades que se desenvolvan.
Censo
Outro dos obxectivos é a creación dun censo de xoves creadores, no que se recollerán todas as experiencias artísticas que se detecten. A partir do censo elaborarase un catálogo de xoves creadores de Santiago de Compostela que se editará e difundirá, co obxectivo de que sirva para a súa promoción e o intercambio entre eles na perspectiva de formalizar posibles colaboracións.
O Centro construirase nun anexo ao edificio principal que ten o CEIP "Santiago Apóstolo" que será totalmente rehabilitado. Investiranse 250.000 euros en acondicionar os aproximadamente 700 metros cadrados dos que dispón, divididos en dúas plantas.
Compostela contará cun espazo para os novos creadores
16/10/2006 O novo Centro de Creación e Formación Cultural converterase no espazo no que os creadores que comezan poderán formarse e difundir a súa produción. O complexo ubicarase nun edificio anexo ao Colexio Santiago Apóstolo e estará listo nun prazo aproximado de oito meses.
Esta iniciativa responde á intención municipal de dar "apoio aos creadores locais", apuntou o concelleiro de Cultura, Néstor Rego, na presentación do proxecto. Acompañouno a responsable de Educación e Mocidade, quen destacou que o Centro será "un espazo de encontro e ofertará a posibilidade dun ocio creativo e cultural".Cursos, servizos de autoedición, informacións de todo tipo, axenda de actividades de cada mes, intercambios con outras cidades, consellos e apoio para a montaxe, a creación e a difusión de espectáculos, así como espazos para expoñer a creatividade de cada un. O obxectivo é ofrecer un lugar onde os creadores e creadoras poidan ver reforzado o seu traballo artístico e a súa capacidade de organización e, ao mesmo tempo, facilitar ao público o acceso ás correntes artísticas máis actuais. A idea é construír todo isto desde a colaboración cos distintos colectivos, proxectos, institucións e circuítos implicados na dinamización da creación cultural.
Este espazo municipal pretende tamén servir de trampolín dos artistas máis novos que por razóns diversas non contan con lugares estables onde desenvolver o proceso creativo. Con esta perspectiva, unha das funcións deste equipamento é contribuír á igualdade de oportunidades no mundo artístico.
O Centro disporá dun espazo con tres módulos para a creación e a dispoñibilidade de ensaios que dean cabida a todo tipo de manifestacións artísticas. Tamén haberá un espazo de formación, cunha programación estable en base a cursos e talleres artísticos sobre especialidades diversas: música, expresión corporal, artes plásticas, malabares, circo, mimo, artesanía, cómic, etc. Finalmente, habilitarase un módulo de difusión, no que se pretende xerar a elaboración dunha publicación periódica, así como a publicidade dunha boa parte das actividades que se desenvolvan.
Censo
Outro dos obxectivos é a creación dun censo de xoves creadores, no que se recollerán todas as experiencias artísticas que se detecten. A partir do censo elaborarase un catálogo de xoves creadores de Santiago de Compostela que se editará e difundirá, co obxectivo de que sirva para a súa promoción e o intercambio entre eles na perspectiva de formalizar posibles colaboracións.
O Centro construirase nun anexo ao edificio principal que ten o CEIP "Santiago Apóstolo" que será totalmente rehabilitado. Investiranse 250.000 euros en acondicionar os aproximadamente 700 metros cadrados dos que dispón, divididos en dúas plantas.