ACCIÓN CULTURAL
Ás 18.30 h -previo ao acto inaugural- o presidente da Fundación Banco Sabadell, Miquel Molíns Nubiola, que fora primeiro director da nova sede do Macba en Barcelona e profesor experto en arte contemporánea, e a comisaria da exposición Rocío San Claudio Santa Cruz, que é directora de ArtLibris, atenderán aos medios que o soliciten e poderán facer con eles un breve recorrido polo espazo expositivo.
ArtsLibris, a feira do libro de artista e a edición contemporánea de Barcelona, e o Banco Sabadell, a súa principal empresa patrocinadora, transforman o Auditorio de Galicia, nunha xeografía de libros que son arte: edicións de libros de artista, fotografía e deseño constitúen este collage único, creativo e innovador. Desde fai sete anos ArtsLibris ten lugar en Barcelona. O obxectivo é estimular o mercado e a creación de libros de artista e o Banco Sabadell patrocina o Premio ArtsLibris / Banco Sabadell que se dedica á adquisición de publicacións. As obras premiadas nestes anos ademais doutras, pertencentes á colección de Arte Banco Sababell e á colección ArtsLibris, forman parte desta exposición. É de destacar que poderemos atopar as obras premiadas na última edición, neste 2015.
Os libros e publicacións de artistas internacionais como Andy Warhol, Lawrence Weiner, Jaume Plensa ou Jose Pedro Croft, dialogan co traballo de numerosos creadores novos como Cristina de Middel, Ricardo Cases ou Simona Rota. Unha parte importante da exposición son obras de creadores galegos como Antón Lamazares, Leopoldo Nóvoa e Vari Caramés. Obras internacionais e paradigmáticas da produción desta última década, especialmente dos últimos cinco anos, onde numerosos creadores novos dedican unha parte importante do seu traballo á edición de publicacións. Unha boa parte dela editada baixo o formato dos chamados Fotolibros.
BREVE RESEÑA SOBRE O LIBRO DE ARTISTA
O libro de artista xurdiu na segunda metade do século XX, concretamente, no ano 1963, cando Edward Ruscha realizou a primeira edición de Twenty-six Gasoline Stations (26 estacións de gasolina). A partir de entón, os artistas máis vangardistas decidiron servirse do libro como instrumento de ruptura coa arte anterior, a pesar do paradoxo de tratarse dun medio de expresión artística tradicional.
A pervivencia deste legado é o que fai que agora, situados no século XXI, o libro continúe tendo unha gran vixencia. E isto contrariamente aos que xa fai vinte anos anunciaban o seu fin por mor da chegada dos novos soportes dixitais para o texto e a imaxe, que segundo eles, condenábaos a desaparecer. Quizais, como afirmaba Michel Butor en 1987, os únicos libros que nos interesarán no futuro son aqueles que poidan ser considerados como obra de arte. O futuro de Butor é o noso presente. O novo espazo do libro, non é un espazo limitado e pechado: é inabarcable e integrador de todas as disciplinas, é o espazo de liberdade onde toda a arte se representa.
O libro, como obra de arte do século XXI, é o territorio de creación onde se sitúa esta mostra, aínda que moitas das edicións contemporáneas de libros de artista teñen lugar máis aló das marxes impostas polo formato. Expándense e abarcan o territorio infinito da arte e a creación. Por iso moitos dos libros de artista, e especialmente os fotolibros desta mostra, son unha parte dun todo máis grande, dunha serie, instalación, manifesto ou colección.
O Auditorio de Galicia inaugura ‘Salto de páxina. O libro de artista no século XXI'
20/10/2015 A mostra, organizada polo Auditorio de Galicia e SabadellGallego, recolle un collage único de libros de artista, fotolibros e bibliofilia contemporánea procedente da colección Banco Sabadell e ArtsLibris. Poderá visitarse até febreiro de 2016 no horario habitual da sala de exposicións (de 10.00 a 14.00 h e de 16.00 a 20.00 h, menos os días de concerto que pecha ás 19.00 h).
O Auditorio de Galicia inaugura mañá mércores 21 de outubro ás 19.00 h a exposición ‘Salto de páxina. O Libro de artista no século XXI', comisariada por Rocío San Claudio Santa Cruz, directora de ArtsLibris. A mostra recolle un collage único de libros de artista, fotolilbros e bibliofilia contemporánea procedente da colección Banco Sabadell e ArtsLibris. Estarán presentes no acto inaugural Martiño Noriega Sánchez, alcalde de Santiago de Compostela; Pablo Junceda Moreno, director xeral do SabadellGallego; Miquel Molíns Nubiola, presidente da Fundación Banco Sabadell; a comisaria da exposición, Rocío San Claudio Santa Cruz; e a directora xerente en funcións do Auditorio de Galicia, Silvia Modia Ferreiro.Ás 18.30 h -previo ao acto inaugural- o presidente da Fundación Banco Sabadell, Miquel Molíns Nubiola, que fora primeiro director da nova sede do Macba en Barcelona e profesor experto en arte contemporánea, e a comisaria da exposición Rocío San Claudio Santa Cruz, que é directora de ArtLibris, atenderán aos medios que o soliciten e poderán facer con eles un breve recorrido polo espazo expositivo.
ArtsLibris, a feira do libro de artista e a edición contemporánea de Barcelona, e o Banco Sabadell, a súa principal empresa patrocinadora, transforman o Auditorio de Galicia, nunha xeografía de libros que son arte: edicións de libros de artista, fotografía e deseño constitúen este collage único, creativo e innovador. Desde fai sete anos ArtsLibris ten lugar en Barcelona. O obxectivo é estimular o mercado e a creación de libros de artista e o Banco Sabadell patrocina o Premio ArtsLibris / Banco Sabadell que se dedica á adquisición de publicacións. As obras premiadas nestes anos ademais doutras, pertencentes á colección de Arte Banco Sababell e á colección ArtsLibris, forman parte desta exposición. É de destacar que poderemos atopar as obras premiadas na última edición, neste 2015.
Os libros e publicacións de artistas internacionais como Andy Warhol, Lawrence Weiner, Jaume Plensa ou Jose Pedro Croft, dialogan co traballo de numerosos creadores novos como Cristina de Middel, Ricardo Cases ou Simona Rota. Unha parte importante da exposición son obras de creadores galegos como Antón Lamazares, Leopoldo Nóvoa e Vari Caramés. Obras internacionais e paradigmáticas da produción desta última década, especialmente dos últimos cinco anos, onde numerosos creadores novos dedican unha parte importante do seu traballo á edición de publicacións. Unha boa parte dela editada baixo o formato dos chamados Fotolibros.
BREVE RESEÑA SOBRE O LIBRO DE ARTISTA
O libro de artista xurdiu na segunda metade do século XX, concretamente, no ano 1963, cando Edward Ruscha realizou a primeira edición de Twenty-six Gasoline Stations (26 estacións de gasolina). A partir de entón, os artistas máis vangardistas decidiron servirse do libro como instrumento de ruptura coa arte anterior, a pesar do paradoxo de tratarse dun medio de expresión artística tradicional.
A pervivencia deste legado é o que fai que agora, situados no século XXI, o libro continúe tendo unha gran vixencia. E isto contrariamente aos que xa fai vinte anos anunciaban o seu fin por mor da chegada dos novos soportes dixitais para o texto e a imaxe, que segundo eles, condenábaos a desaparecer. Quizais, como afirmaba Michel Butor en 1987, os únicos libros que nos interesarán no futuro son aqueles que poidan ser considerados como obra de arte. O futuro de Butor é o noso presente. O novo espazo do libro, non é un espazo limitado e pechado: é inabarcable e integrador de todas as disciplinas, é o espazo de liberdade onde toda a arte se representa.
O libro, como obra de arte do século XXI, é o territorio de creación onde se sitúa esta mostra, aínda que moitas das edicións contemporáneas de libros de artista teñen lugar máis aló das marxes impostas polo formato. Expándense e abarcan o territorio infinito da arte e a creación. Por iso moitos dos libros de artista, e especialmente os fotolibros desta mostra, son unha parte dun todo máis grande, dunha serie, instalación, manifesto ou colección.