EMPREGO
O Palacio de Congresos de Santiago acollerá este Foro, organizado pola Axencia Local de Colocación do Concello de Santiago e cofinanciado polo Fondo Social Europeo. O obxectivo prioritario deste encontro é favorecer un mellor coñecemento entre a oferta e a demanda a través das presentacións das empresas e doutras actividades dirixidas aos demandantes de emprego e ao fomento do mesmo.
Amplo abano de actividades
O Foro da Intermediación e o Emprego ten preparado un amplo abano de actividades para facilitar un achegamento ao marco de actuación dos Programas Operativos de Emprego e a Garantía Xuvenil, abordar o papel que deben desenvolver os axentes implicados na posta en marcha dos programas e amosar as aportacións das entidades locais á inserción laboral da mocidade.
Ao longo deste dous días, o Foro acollerá as presentacións de 27 empresas, entre as que se encontran Carrefour, Vegalsa, Grupo Calvo, R Telecomunicacións, Decathlon, Leroy Merlin, Bricoking ou Luckia. Con estas presentacións, a organización pretende favorecer un mellor coñecemento das actividades das empresas, os perfís profesionais máis demandados e as competencias profesionais máis valoradas. Ademais, estas reunións permitirán o diálogo dos asistentes cos representantes das empresas.
Nestas xornadas habilitarase tamén o Espazo Dixital do Foro da Intermediación e o Emprego, aberto de forma permanente durante os dous días do Foro para que as persoas interesadas poidan enviar o seu currículo en formato dixital ás máis de 60 de empresas que escolleron esa vía para a recepción dos mesmos.
Arranca en Santiago o Foro da Intermediación e o Emprego con máis de 2.500 inscricións en presentacións de empresa e actividades formativas
28/04/2015 Comeza en Santiago o Foro da Intermediación e o Emprego, un encontro que, durante o mércores 29 e o xoves 30, converterá Santiago no punto de reunión entre empresas e demandantes de emprego. Con máis de 1.200 inscricións nas presentacións que realizarán as 27 empresas presentes no Foro, así como coa posibilidade de enviar o currículo a máis de 60 empresas a través do espazo dixital do Foro, os demandantes de emprego poderán atopar información sobres os requisitos e oportunidades no mercado laboral.
As empresas asistentes presentarán e especificarán os perfís competenciais máis demandados, co obxectivo de informar ás persoas interesadas sobre a súa potencialidade. Ademais durante Foro realizaranse máis de 60 actividades formativas (cursos, relatorios, obradoiros…), nas que xa hai máis de 1.300 inscricións, co obxectivo de que as persoas demandantes de emprego poidan mellorar a cualificación profesional e coñezan novos recursos e ferramentas para a busca de empregoO Palacio de Congresos de Santiago acollerá este Foro, organizado pola Axencia Local de Colocación do Concello de Santiago e cofinanciado polo Fondo Social Europeo. O obxectivo prioritario deste encontro é favorecer un mellor coñecemento entre a oferta e a demanda a través das presentacións das empresas e doutras actividades dirixidas aos demandantes de emprego e ao fomento do mesmo.
Amplo abano de actividades
O Foro da Intermediación e o Emprego ten preparado un amplo abano de actividades para facilitar un achegamento ao marco de actuación dos Programas Operativos de Emprego e a Garantía Xuvenil, abordar o papel que deben desenvolver os axentes implicados na posta en marcha dos programas e amosar as aportacións das entidades locais á inserción laboral da mocidade.
Ao longo deste dous días, o Foro acollerá as presentacións de 27 empresas, entre as que se encontran Carrefour, Vegalsa, Grupo Calvo, R Telecomunicacións, Decathlon, Leroy Merlin, Bricoking ou Luckia. Con estas presentacións, a organización pretende favorecer un mellor coñecemento das actividades das empresas, os perfís profesionais máis demandados e as competencias profesionais máis valoradas. Ademais, estas reunións permitirán o diálogo dos asistentes cos representantes das empresas.
Nestas xornadas habilitarase tamén o Espazo Dixital do Foro da Intermediación e o Emprego, aberto de forma permanente durante os dous días do Foro para que as persoas interesadas poidan enviar o seu currículo en formato dixital ás máis de 60 de empresas que escolleron esa vía para a recepción dos mesmos.