ALCALDÍA
Levaron os mesmos regalos –diploma e bicicleta- a segunda clasificada, Alexandra Bugallo García, de 2º de Primaria do CEIP As Fontiñas, e os dous autores do debuxo galardoado co terceiro premio, Fernando Viqueira García e Gonzalo Domingo Díaz Malaguilla, alumnos de 3º de Primaria do CEIP As Fontiñas.
O xurado, presidido pola concelleira de Desenvolvemento Urbano Sostible, Teresa Gutiérrez, outorgou seis accésits, premiados con diploma e patíns, a Beza Vaamonde Valado, do Xelmírez II; Sabela Ares Rodríguez, Lucía V. C., Martín Maceira García, Cardina Soliño Soliño Mosquera e Aldara Barros Picallo, os catro do CEIP As Fontiñas.
Ante todos os nenos e nenas premiados, o alcalde expresou o seu desexo de que este concurso de debuxo sirva para que "os máis novos e as súas familias poidan reflexionar sobre as vantaxes e as oportunidades que nos ofrece ter unha cidade e un territorio na que os seus habitantes atenden e valoran a auga e as árbores como o tesouro que é, como unha fonte de vida e de riqueza que nos dá a vida e que nos permite mellorala hoxe e no futuro".
Agustín Hernández felicitou os galardoados e deulles es grazas por "axudarnos a lembrar a fermosura e a importancia que para todos teñen a auga e máis as árbores".
Entregados no Pazo de Raxoi os premios do concurso de debuxo convocado con motivo dos días da Árbore e da Auga
23/03/2015 O alcalde de Santiago, Agustín Hernández, entregou no salón vermello de Raxoi os premios do concurso de debuxo convocado no marco da celebración dos días da Auga e da Árbore. "A auga e as árbores" era o lema deste certame, no que os escolares debían crear motivos relacionados coa importancia da auga e das árbores no equilibrio do noso planeta, especialmente nas zonas verdes de Santiago de Compostela.
Entre os deseños gañadores escolleuse o logo para os carteis e o material didáctico para promocionar as actividades destas dúas datas. Así, a gañadora do primeiro premio, agasallada cun diploma e cunha bicicleta, foi Amparo Giménez Hernández, alumna de 1º da ESO do Arcebispo Xelmírez II. Este debuxo, titulado "Outono", é a imaxe da campaña e das camisetas que se repartiron na plantación de árbores realizada pola mañá.Levaron os mesmos regalos –diploma e bicicleta- a segunda clasificada, Alexandra Bugallo García, de 2º de Primaria do CEIP As Fontiñas, e os dous autores do debuxo galardoado co terceiro premio, Fernando Viqueira García e Gonzalo Domingo Díaz Malaguilla, alumnos de 3º de Primaria do CEIP As Fontiñas.
O xurado, presidido pola concelleira de Desenvolvemento Urbano Sostible, Teresa Gutiérrez, outorgou seis accésits, premiados con diploma e patíns, a Beza Vaamonde Valado, do Xelmírez II; Sabela Ares Rodríguez, Lucía V. C., Martín Maceira García, Cardina Soliño Soliño Mosquera e Aldara Barros Picallo, os catro do CEIP As Fontiñas.
Ante todos os nenos e nenas premiados, o alcalde expresou o seu desexo de que este concurso de debuxo sirva para que "os máis novos e as súas familias poidan reflexionar sobre as vantaxes e as oportunidades que nos ofrece ter unha cidade e un territorio na que os seus habitantes atenden e valoran a auga e as árbores como o tesouro que é, como unha fonte de vida e de riqueza que nos dá a vida e que nos permite mellorala hoxe e no futuro".
Agustín Hernández felicitou os galardoados e deulles es grazas por "axudarnos a lembrar a fermosura e a importancia que para todos teñen a auga e máis as árbores".