TURISMO
Brasil ten sido tradicionalmente o mercado máis importante para a cidade en América Latina. Hai dous grandes elementos que fan de Santiago un destino turístico coñecido e atractivo para os brasileiros. Por unha banda, o escritor brasileiro Paulo Coelho, que ten continuas referencias ao Camiño de Santiago na súa obra, pero destaca especialmente a súa primeira novela, O peregrino de Compostela (Diario dun mago), de 1987.
Por outra banda, o importante colectivo emigrante galego en Brasil. No país atópase o terceiro grupo máis amplo de emigrantes galegos en América, con 44.809 persoas a un de xaneiro de 2014 segundo o Padrón de galegos residentes no estranxeiro. O colectivo emigrante ten valor dende o punto de vista turístico porque a súa importante presencia fai coñecida Galicia entre os propios brasileiros e porque xera o denominado turismo de raíces, que inclúe as viaxes dos familiares dos emigrantes xa de orixe brasileira.
A evolución dos peregrinos brasileiros na última década amosa as posibilidades crecentes deste mercado para Santiago. Entre o ano 2005 e o 2014, o número de peregrinos de Brasil pasou de 1.163 a 3.271. É dicir, houbo un crecemento do 181% nos últimos dez anos.
Turismo de Santiago amosa a cidade a profesionais turísticos de Brasil
11/03/2015 Turismo de Santiago amosará Santiago a un grupo de directivos do Serviço Social de Comercio (SESC) do Estado brasileiro de Minas Gerais. Este grupo vén a Santiago coa intención de coñecer a cidade e estudar a súa inclusión nun novo circuíto turístico polo Norte de España para o público brasileiro.
Turismo de Santiago amosaralles os principais recursos turísticos da cidade e as multiples posibilidades de aloxamento. Ademais, o grupo poderá coñecer as cubertas da Catedral nunha visita organizada conxuntamente coa Fundación da Catedral de Santiago.Brasil ten sido tradicionalmente o mercado máis importante para a cidade en América Latina. Hai dous grandes elementos que fan de Santiago un destino turístico coñecido e atractivo para os brasileiros. Por unha banda, o escritor brasileiro Paulo Coelho, que ten continuas referencias ao Camiño de Santiago na súa obra, pero destaca especialmente a súa primeira novela, O peregrino de Compostela (Diario dun mago), de 1987.
Por outra banda, o importante colectivo emigrante galego en Brasil. No país atópase o terceiro grupo máis amplo de emigrantes galegos en América, con 44.809 persoas a un de xaneiro de 2014 segundo o Padrón de galegos residentes no estranxeiro. O colectivo emigrante ten valor dende o punto de vista turístico porque a súa importante presencia fai coñecida Galicia entre os propios brasileiros e porque xera o denominado turismo de raíces, que inclúe as viaxes dos familiares dos emigrantes xa de orixe brasileira.
A evolución dos peregrinos brasileiros na última década amosa as posibilidades crecentes deste mercado para Santiago. Entre o ano 2005 e o 2014, o número de peregrinos de Brasil pasou de 1.163 a 3.271. É dicir, houbo un crecemento do 181% nos últimos dez anos.