ALCALDÍA
"É unha fermosa maneira de plasmar graficamente a importancia da achega individual para lograr un gran resultado colectivo", indicou o alcalde a propósito deste mural. Neste sentido, afirmou que "é o mesmo que debemos facer cada un de nós, para que entre todos consigamos cada día unha sociedade máis xusta, máis igualitaria e máis unida, na que as mulleres ocupen o lugar relevante que dende sempre, e sen a penas recoñecemento ningún, teñen desempeñado".
Agustín Hernández fixo un percorrido polo papel das mulleres ao longo da historia, dende aquelas que "viviron en gran medida silenciadas e ignoradas na vida pública" a aquelas que "comezaron a redimirse a partir do século XIX con figuras claves no noso país como Concepción Arenal, Juana de Vega, Pardo Bazán ou Rosalía de Castro, pioneiras do movemento feminista que comezaría a desenvolverse no pasado século".
Hoxe, dixo, "os gobernos e as institucións están a intensificar nas súas políticas e nas súas actuacións a perspectiva de xénero. Para iso, vénse desenvolvendo unha xestión transversal, que procura unha maior integración laboral, a conciliación familiar e, en definitiva, un conxunto de medidas que sitúan o principio de igualdade como un obxectivo ao mesmo tempo necesario e irrenunciable". "Así o tratamos de facer dende o Concello, a través dunha unidade e dun servizo específico, e a través do exemplo diario da Corporación e do Goberno municipal, engadiu
O alcalde tamén tivo palabras de recoñecemento para a compostelá Nerea Barros, quen "é xa, polo seu traballo no ámbito sanitario e polo premio Goya que recoñece a súa calidade como actriz, un modelo a ter presente para contrastar a valía feminina e, neste caso tamén, o compromiso e a colaboración coas iniciativas sociais".
Agradeceulle a súa presenza no acto e a súa achega, que "axudan a amplificar esta campaña para poñer en valor a contribución social da muller e a concienciarnos sobre a importancia da educación e da convivencia en igualdade".
Nerea Barros asinou no Libro de Honra xunto coa súa parella, Juan Ibáñez, e recibiu do alcalde como agasallo unha pequena escultura obra de Ramón Conde. Tamén asinaron no Libro de Honra as tres homenaxeadas.
Máis de 4.000 persoas achegaron as súas fotos para compoñer un mural dedicado ás mulleres de Compostela
08/03/2015 Co descubrimento dun mural fotográfico concluíu a campaña Mulleres, todas somos protagonistas, posta en marcha pola Concellería de Servizos Sociais con motivo do Día Internacional da Muller. O alcalde de Santiago, Agustín Hernández; a concelleira de Servizos Sociais, María Corral; e a conselleira de Sanidade, Rocío Mosquera, presidiron este acto na praza do Obradoiro, que contou coa presenza da actriz compostelá Nerea Barros.
Máis de 4.000 persoas responderon á iniciativa da Concellería de Servizos Sociais a través de internet e das redes sociais e facilitaron as súas fotos, dedicadas a unha muller especial nas súas vidas. Con elas fíxose a composición descuberta no Obradoiro e que pasara a estar exposta de forma permanente na Cidade da Cultura."É unha fermosa maneira de plasmar graficamente a importancia da achega individual para lograr un gran resultado colectivo", indicou o alcalde a propósito deste mural. Neste sentido, afirmou que "é o mesmo que debemos facer cada un de nós, para que entre todos consigamos cada día unha sociedade máis xusta, máis igualitaria e máis unida, na que as mulleres ocupen o lugar relevante que dende sempre, e sen a penas recoñecemento ningún, teñen desempeñado".
Agustín Hernández fixo un percorrido polo papel das mulleres ao longo da historia, dende aquelas que "viviron en gran medida silenciadas e ignoradas na vida pública" a aquelas que "comezaron a redimirse a partir do século XIX con figuras claves no noso país como Concepción Arenal, Juana de Vega, Pardo Bazán ou Rosalía de Castro, pioneiras do movemento feminista que comezaría a desenvolverse no pasado século".
Hoxe, dixo, "os gobernos e as institucións están a intensificar nas súas políticas e nas súas actuacións a perspectiva de xénero. Para iso, vénse desenvolvendo unha xestión transversal, que procura unha maior integración laboral, a conciliación familiar e, en definitiva, un conxunto de medidas que sitúan o principio de igualdade como un obxectivo ao mesmo tempo necesario e irrenunciable". "Así o tratamos de facer dende o Concello, a través dunha unidade e dun servizo específico, e a través do exemplo diario da Corporación e do Goberno municipal, engadiu
O alcalde tamén tivo palabras de recoñecemento para a compostelá Nerea Barros, quen "é xa, polo seu traballo no ámbito sanitario e polo premio Goya que recoñece a súa calidade como actriz, un modelo a ter presente para contrastar a valía feminina e, neste caso tamén, o compromiso e a colaboración coas iniciativas sociais".
Agradeceulle a súa presenza no acto e a súa achega, que "axudan a amplificar esta campaña para poñer en valor a contribución social da muller e a concienciarnos sobre a importancia da educación e da convivencia en igualdade".
Nerea Barros asinou no Libro de Honra xunto coa súa parella, Juan Ibáñez, e recibiu do alcalde como agasallo unha pequena escultura obra de Ramón Conde. Tamén asinaron no Libro de Honra as tres homenaxeadas.