TURISMO
O ciclo de obradoiros infantís continuará durante os seguintes sábados de Nadal, 27 de decembro e 3 de xaneiro, con dúas propostas creativas cada xornada. Deliciosos entrantes elaborados con produtos galegos, coma as Madalenas de queixo e chourizo e os Boliños de cabaciña, e sobremesas doces e tan tradicionais coma o Turrón de chocolate e o Carbón de Reis compoñen a oferta gastronómica pensada para os cociñeiros máis novos.
Compostela Gastronómica no Mercado de Nadal
Ata o 5 de xaneiro, a Praza da Quintana prosegue co Mercado de Nadal inaugurado o pasado 12 de decembro. Entre os numerosos postos de venda de produtos artesanais e gastronómicos relacionados coas festas navideñas atópase tamén o stand de Compostela Gastronómica, no que hoxe venres estará presente o restaurante Resas, especializado en cociña galega e xaponesa. Ao longo de toda a xornada, e ata as 21 horas, o público poderá degustar neste stand Sopa de miso ecolóxica, Yakisoba vegano e a súa receita especial de Viño quente. As propostas gastronómicas no Mercado de Nadal seguirán durante toda a fin de semana coa participación, o sábado, do restaurante O Curro da Parra, e o domingo do Café de Altamira.
Compostela Gastronómica é un evento que naceu o pasado mes de setembro para promocionar a cidade de Santiago como destino gastronómico. O obxectivo desta nova iniciativa é consolidar a marca ‘Compostela Gastronómica’ a través dun evento que continúa coa liña marcada na primeira edición, centrando os seus contidos nos produtos galegos de tempada e nos cociñeiros e profesionais do sector da cidade.
Compostela Gastronómica Nadal celebra un ciclo de obradoiros de cociña infantil
19/12/2014 Herbas, chourizo e queixos do país serán algúns dos ingredientes principais destes obradoiros dirixidos a nenos e nenas de 6 a 12 anos. O Mercado de Nadal contará durante a fin de semana con degustacións e tapas elaboradas por tres restaurantes da cidade
O sábado 20 de decembro, Compostela Gastronómica Nadal celebra na Aula Gastronómica do Mercado de Abastos os dous primeiros dun ciclo de seis obradoiros de cociña para nenos e nenas de 6 a 12 anos. Nesta primeira xornada dedicada aos máis cativos da casa, os participantes aprenderán a elaborar dúas saborosas receitas pensadas especialmente para as festas do Nadal: pola mañá, Tartaletas de queixo do país perfumadas con todo tipo de herbas frescas, e pola tarde, as tradicionais Galletas de xenxibre e canela, nunha actividade na que os pequenos poderán demostrar as súas dotes artísticas decorándoas cunha morea de cores.O ciclo de obradoiros infantís continuará durante os seguintes sábados de Nadal, 27 de decembro e 3 de xaneiro, con dúas propostas creativas cada xornada. Deliciosos entrantes elaborados con produtos galegos, coma as Madalenas de queixo e chourizo e os Boliños de cabaciña, e sobremesas doces e tan tradicionais coma o Turrón de chocolate e o Carbón de Reis compoñen a oferta gastronómica pensada para os cociñeiros máis novos.
Compostela Gastronómica no Mercado de Nadal
Ata o 5 de xaneiro, a Praza da Quintana prosegue co Mercado de Nadal inaugurado o pasado 12 de decembro. Entre os numerosos postos de venda de produtos artesanais e gastronómicos relacionados coas festas navideñas atópase tamén o stand de Compostela Gastronómica, no que hoxe venres estará presente o restaurante Resas, especializado en cociña galega e xaponesa. Ao longo de toda a xornada, e ata as 21 horas, o público poderá degustar neste stand Sopa de miso ecolóxica, Yakisoba vegano e a súa receita especial de Viño quente. As propostas gastronómicas no Mercado de Nadal seguirán durante toda a fin de semana coa participación, o sábado, do restaurante O Curro da Parra, e o domingo do Café de Altamira.
Compostela Gastronómica é un evento que naceu o pasado mes de setembro para promocionar a cidade de Santiago como destino gastronómico. O obxectivo desta nova iniciativa é consolidar a marca ‘Compostela Gastronómica’ a través dun evento que continúa coa liña marcada na primeira edición, centrando os seus contidos nos produtos galegos de tempada e nos cociñeiros e profesionais do sector da cidade.