DESENVOLVEMENTO URBANO SOSTIBLE
As exposicións poden visitarse libremente todos os sábados, domingos e festivos no horario de apertura do CIAC, de 10:30 a 14:00 e de 16:30 a 19:00 horas. De mércores a venres, de 9:00 a 14:00 horas, poden realizarse visitas guiadas para grupos de 10 a 30 persoas, previa reserva no número de teléfono 981 543 145.
Ademais,o CIAC organiza o sábado 13 de decembro, de 17:00 a 18:30 horas, o relatorio Algúns dos mamíferos que habitan na contorna de Compostela, incluído tamén no ciclo Biodiversidade na cidade. Desta vez será o biólogo e membro do Grupo de Estudo dos Animais Salvaxes (GEAS) Xosé Pardavilas o que achegará aos asistentes interesante información sobre mamíferos que habitan na cidade, tan próximos a nós e tan descoñecidos.
O domingo 21 de decembro, de 12:00 a 13:30 horas, obradoiro Fabricación de xoguetes con materiais de refugallo, destinado a cativas e cativos de 6 a 10 anos acompañados dun adulto. Un obradoiro moi práctico, económico e ecolóxico.
Tamén seguen en decembro os roteiros. Nesta ocasión, o sábado 27 de decembro, de 12:00 a 13:30 horas, farase un roteiro interpretativo polas Brañas do Sar. Durante o percorrido poderanse descubrir moitos dos valores naturais, dos usos tradicionais e dos segredos que garda este espazo tan descoñecido da cidade.
Todas as actividades ofertadas son de balde, pero dado o aforo limitado é preciso inscribirse. Para solicitarse máis información pode escribirse á dirección electrónica ciac@santiagodecompostela.gal ou chamar ao 981 543 145.
O CIAC programa un obradoiro de fabricación de xoguetes e unha nova exposición sobre biodiversidade en Galicia
02/12/2014 Este mes de decembro, na sala de exposicións temporais do Centro de Interpretación Ambiental de Compostela (CIAC) rematará a exposición de fotografía InvestigaArte e abrirase a mostra Galicia, biodiversidade enmarcada no Ciclo Biodiversidade na cidade, dentro da cal se realizará o relatorio Algúns dos mamíferos que habitan na contorna de Compostela. E xa en datas de Nadal, haberá un obradoiro de fabricación de xoguetes con materiais de refugallo e un roteiro polas Brañas do Sar.
A exposición das fotografías do concurso fotográfico InvestigArte 2013/2014, organizado por un colectivo de novos investigadores e científicos da USC e apoiado por EducaBarrié, USC e Fundación Ramón Domínguez, estará aberta no CIAC ata o domingo 14 de decembro. Logo, dende o 27 de decembro e ata o 1 de febreiro, tomará o relevo a mostra Galicia, biodiversidade, cedida polo Centro de Extensión Universitaria e Divulgación Ambiental de Galicia (CEIDA). Chega ao CIAC no marco do ciclo de relatorios e exposicións, organizado polo propio centro, Biodiversidade na cidade, que deu comezo no mes de outubro.As exposicións poden visitarse libremente todos os sábados, domingos e festivos no horario de apertura do CIAC, de 10:30 a 14:00 e de 16:30 a 19:00 horas. De mércores a venres, de 9:00 a 14:00 horas, poden realizarse visitas guiadas para grupos de 10 a 30 persoas, previa reserva no número de teléfono 981 543 145.
Ademais,o CIAC organiza o sábado 13 de decembro, de 17:00 a 18:30 horas, o relatorio Algúns dos mamíferos que habitan na contorna de Compostela, incluído tamén no ciclo Biodiversidade na cidade. Desta vez será o biólogo e membro do Grupo de Estudo dos Animais Salvaxes (GEAS) Xosé Pardavilas o que achegará aos asistentes interesante información sobre mamíferos que habitan na cidade, tan próximos a nós e tan descoñecidos.
O domingo 21 de decembro, de 12:00 a 13:30 horas, obradoiro Fabricación de xoguetes con materiais de refugallo, destinado a cativas e cativos de 6 a 10 anos acompañados dun adulto. Un obradoiro moi práctico, económico e ecolóxico.
Tamén seguen en decembro os roteiros. Nesta ocasión, o sábado 27 de decembro, de 12:00 a 13:30 horas, farase un roteiro interpretativo polas Brañas do Sar. Durante o percorrido poderanse descubrir moitos dos valores naturais, dos usos tradicionais e dos segredos que garda este espazo tan descoñecido da cidade.
Todas as actividades ofertadas son de balde, pero dado o aforo limitado é preciso inscribirse. Para solicitarse máis información pode escribirse á dirección electrónica ciac@santiagodecompostela.gal ou chamar ao 981 543 145.