CONSORCIO
Cada taller ten un custo de 3 euros e será necesaria a inscrición previa para participar en calquera deles, a través do enderezo visitasguiadas@consorciodesantiago.org, no número de teléfono 981 566 110 ou tamén una propia recepción do Museo das Peregrinacións e de Santiago. Os obradoiros terán un máximo de quince participantes cada un e un mínimo de seis para poder celebrárense.
Achegamento á figura de Diego Xelmírez
Esta fin de semana haberá tres propostas diferentes. O sábado 11 de outubro, ás 12.00 horas, terá lugar o obradoiro titulado Busquemos a Xelmírez. Os máis pequenos terán a oportunidade de coñecer a relevancia do taller do Mestre Mateo en Compostela, as características e a calidade da súa obra, a magnitude e excelencia do Pórtico da Gloria, así como a importancia da figura de Diego Xelmírez, o primeiro arcebispo da cidade e impulsor da construción da Catedral.
Tamén o sábado, pola tarde, ás 18:00 horas, celebrarase o taller Acordes musicais, no que os rapaces fabricarán os seus propios instrumentos mediante materiais reciclados. Coñecerán a importancia da música ao longo da historia, dende os instrumentos representados no Pórtico da Gloria (cuxas réplicas están expostas en parte no propio Museo das Peregrinacións) ata os nosos días. Empregaranse elementos cotiás para reproducir os ritmos tradicionais que acompañaron a Historia de Compostela. Neste taller contarase coa participación de músicos vencellados á música tradicional.
Sopa de letras medieval
O domingo pola mañá, ás 12:00 horas, terá lugar o obradoiro Sopa medieval. Comezará cunha breve visita á exposición permanente do museo Compostela Dicitur. A Cidade da Catedral, unha recreación do Santiago do século XIII. Logo de achegarse ao ordenamento urbanístico da Compostela medieval, os rapaces buscarán en grupo os principais nomes e lugares dos grandes momentos históricos que viviu a cidade nunha gran sopa de letras.
Os máis pequenos poderán construír os seus propios instrumentos musicais esta fin de semana no Museo das Peregrinacións
09/10/2014 O Consorcio de Santiago vai celebrar no Museo das Peregrinacións e de Santiago (sede praza das Praterías) un total de 36 obradoiros didácticos para nenos, todas as fins de semana dende outubro ata mediados do mes de decembro. Esta iniciativa diríxese a rapaces de entre 6 e 12 anos. Ten como obxectivo achegar a historia de Compostela aos máis pequenos, mediante experiencias lúdicas e enriquecedoras artelladas en torno a unha serie de propostas diferentes.
Todos os obradoiros teñen unha duración de entre unha hora e media e dúas horas. Cada sábado programaranse dous talleres, que pola mañá comezarán ás 12:00 horas e pola tarde ás 18:00 horas. Os domingos tamén haberá un obradoiro ás 12:00 horas.Cada taller ten un custo de 3 euros e será necesaria a inscrición previa para participar en calquera deles, a través do enderezo visitasguiadas@consorciodesantiago.org, no número de teléfono 981 566 110 ou tamén una propia recepción do Museo das Peregrinacións e de Santiago. Os obradoiros terán un máximo de quince participantes cada un e un mínimo de seis para poder celebrárense.
Achegamento á figura de Diego Xelmírez
Esta fin de semana haberá tres propostas diferentes. O sábado 11 de outubro, ás 12.00 horas, terá lugar o obradoiro titulado Busquemos a Xelmírez. Os máis pequenos terán a oportunidade de coñecer a relevancia do taller do Mestre Mateo en Compostela, as características e a calidade da súa obra, a magnitude e excelencia do Pórtico da Gloria, así como a importancia da figura de Diego Xelmírez, o primeiro arcebispo da cidade e impulsor da construción da Catedral.
Tamén o sábado, pola tarde, ás 18:00 horas, celebrarase o taller Acordes musicais, no que os rapaces fabricarán os seus propios instrumentos mediante materiais reciclados. Coñecerán a importancia da música ao longo da historia, dende os instrumentos representados no Pórtico da Gloria (cuxas réplicas están expostas en parte no propio Museo das Peregrinacións) ata os nosos días. Empregaranse elementos cotiás para reproducir os ritmos tradicionais que acompañaron a Historia de Compostela. Neste taller contarase coa participación de músicos vencellados á música tradicional.
Sopa de letras medieval
O domingo pola mañá, ás 12:00 horas, terá lugar o obradoiro Sopa medieval. Comezará cunha breve visita á exposición permanente do museo Compostela Dicitur. A Cidade da Catedral, unha recreación do Santiago do século XIII. Logo de achegarse ao ordenamento urbanístico da Compostela medieval, os rapaces buscarán en grupo os principais nomes e lugares dos grandes momentos históricos que viviu a cidade nunha gran sopa de letras.