ALCALDÍA
Música en Compostela segue a formar a intérpretes de todo o mundo
22/08/2006 Santiago acolle un verán máis o curso internacional Música en Compostela, un evento que se vén celebrando dende 1957. Os alumnos desta edición pasaron polo Concello, onde foron recibidos pola alcaldesa en funcións, Teresa García-Sabell.
Música en Compostela combina as clases a cargo de prestixiosos profesores con concertos en lugares emblemáticos da cidade e noutras localidades como Pontevedra ou A Coruña. Intérpretes profesionais e estudantes de todo o mundo fórmanse en música española nun certame convertido en clásico, como a súa música.