RECOLLIDA DO LIXO
Chamamento á responsabilidade de Reyes Leis en relación á posible convocatoria de folga dos traballadores da recollida do lixo
26/06/2014 Preguntada pola posibilidade da convocatoria dunha folga dos traballadores da empresa concesionaria do servizo de limpeza e recollida do lixo, Urbaser, nas datas das festas do Apóstolo, a voceira da Xunta de Goberno, Reyes Leis, fixo un chamamento á "responsabilidade", a fin de evitar unha situación que, ademais dos prexuízos hixiénicos, "prexudicaría a imaxe da cidade" nestas datas de grande afluencia de turismo.
Reyes Leis amosou a disposición do alcalde e do Goberno a recibir os implicados, agardando que se produza un acordo entre empresa e traballadores que permita desconvocar a folga, tal como sucedera en xullo de 2013. Desexa que ese acordo se produza nas reunións previstas para os vindeiros días.