EDUCACIÓN
O programa desenvólvese no CEIP das Fontiñas durante o período de vacacións escolares de verán: mes de xuño (23, 25, 26, 27 e 30), xullo (do 1 ao 31, agás sábados, domingos e festivos) e setembro (días 1, 2, 3, 4, 5, 8, 9 e 10). Os pais poden escoller entre diversas modalidades, tanto por número de días como por servizos ofrecidos. Das opcións elixidas depende o prezo final.
O horario do programa é de 9:00 a 14:00 horas, pero ofrécese a posibilidade de que as familias fagan uso ademais un servizo de madrugadores con almorzo (de 7:45 a 9:00 horas) e un servizo de comedor (de 14:00 a 15:30 horas). O servizo de madrugadores conta con 25 prazas en cada período e, o de comedor, con 45 prazas.
Comedores
Durante a súa visita a Fontiñas, o alcalde aproveitou tamén para lembrar que está aberto prazo de matrícula nos servizos de comedor e de madrugadores. Neste sentido, resaltou que "o Concello xestiona os comedores escolares para 1.000 nenos, sendo a única cidade que cubre todos os centros de educación infantil e primaria".
Durante o curso 2012-13 púxose en marcha no Concello de Santiago o servizo de comedores e de madrugadores en nove centros públicos de educación infantil e primaria: CEIP Apóstolo Santiago, CEIP Ramón Cabanillas, CEIP Cardeal Quiroga Palacios, CEIP Roxos - Villestro, CEIP Monte dos Postes, CEIP Mestre Rodríguez Xixirei, CEIP Fontiñas, CEIP Vite I e CEIP Raíña Fabiola. Con tal motivo, asinouse un Convenio de colaboración coa Consellería de Educación e Ordenación Universitaria que permite o seu financiamento durante os cursos 2013-2014 e 2014-2015.
Agora está aberto ata o 30 de xuño o prazo de solicitude dos servizos de comedor e de madrugadores en calquera dos devanditos centros. No caso do CEIP Arquitecto Casas Novoa só se ofrece o servizo de madrugadores.
Cento vinte nenos e nenas participan no programa de conciliación de verán da Concellería de Educación
25/06/2014 O alcalde compostelán, Ángel Currás, e a concelleira Reyes Leis visitaron o CEIP das Fontiñas, onde se está a desenvolver o programa de conciliación laboral e familiar organizado pola Concellería de Educación. En horario de mañá, os 120 nenos e nenas participantes, con idades comprendidas entre os 3 e os 12 anos, divírtense cos xogos programados, pero tamén aprenden.
Ángel Currás salientou o "grande éxito" deste programa de conciliación de verán nos últimos tres anos. "Cubríronse todas as prazas e mesmo existía máis demanda", explicou, incidindo en que "cada vez é máis necesario que dende as administracións públicas, especialmente dende as máis próximas, como son os Concellos, se contribúa a que as familias que están traballando durante o verán poidan ter os nenos con monitores, atendidos e realizando actividades que non son as regradas dun ano escolar, senón lúdicas, nesta ocasión en torno a un programa educativo como o de As sete marabillas de Galicia.O programa desenvólvese no CEIP das Fontiñas durante o período de vacacións escolares de verán: mes de xuño (23, 25, 26, 27 e 30), xullo (do 1 ao 31, agás sábados, domingos e festivos) e setembro (días 1, 2, 3, 4, 5, 8, 9 e 10). Os pais poden escoller entre diversas modalidades, tanto por número de días como por servizos ofrecidos. Das opcións elixidas depende o prezo final.
O horario do programa é de 9:00 a 14:00 horas, pero ofrécese a posibilidade de que as familias fagan uso ademais un servizo de madrugadores con almorzo (de 7:45 a 9:00 horas) e un servizo de comedor (de 14:00 a 15:30 horas). O servizo de madrugadores conta con 25 prazas en cada período e, o de comedor, con 45 prazas.
Comedores
Durante a súa visita a Fontiñas, o alcalde aproveitou tamén para lembrar que está aberto prazo de matrícula nos servizos de comedor e de madrugadores. Neste sentido, resaltou que "o Concello xestiona os comedores escolares para 1.000 nenos, sendo a única cidade que cubre todos os centros de educación infantil e primaria".
Durante o curso 2012-13 púxose en marcha no Concello de Santiago o servizo de comedores e de madrugadores en nove centros públicos de educación infantil e primaria: CEIP Apóstolo Santiago, CEIP Ramón Cabanillas, CEIP Cardeal Quiroga Palacios, CEIP Roxos - Villestro, CEIP Monte dos Postes, CEIP Mestre Rodríguez Xixirei, CEIP Fontiñas, CEIP Vite I e CEIP Raíña Fabiola. Con tal motivo, asinouse un Convenio de colaboración coa Consellería de Educación e Ordenación Universitaria que permite o seu financiamento durante os cursos 2013-2014 e 2014-2015.
Agora está aberto ata o 30 de xuño o prazo de solicitude dos servizos de comedor e de madrugadores en calquera dos devanditos centros. No caso do CEIP Arquitecto Casas Novoa só se ofrece o servizo de madrugadores.