REHABILITACIÓN
O éxito do programa foi tal que o Consorcio de Santiago está estudando a apertura dunha nova convocatoria. Neste sentido, prega aos novos interesados neste programa que accedan á información correspondente na Oficina Municipal da Cidade Histórica e de Rehabilitación, aberta nos baixos do Pazo de Vaamonde, na Rúa do Vilar.
Pechado o prazo desta primeira convocatoria, agora corresponde aos técnicos do Consorcio a elaboración individualizada dos plans de mantemento para cada un dos solicitantes, así coma o custo e a subvención correspondente para a execución das obras.
O Consorcio de Santiago lanzou este innovador programa de axudas para subvencionar o mantemento das carpinterías a primeiros do mes de xullo, coa finalidade de completar o ciclo de axudas para a rehabilitación de vivendas e locais comerciais. Estas axudas supoñen un aforro económico importante, pois con elas evítanse importantes deterioros e, consecuentemente, grandes obras de restauración.
Ademais do mantemento de fiestras e galerías de madeira, este programa esténdese á envolvente exterior completa dos edificios, medianeiras, portais e escaleiras interiores, así como a aqueles elementos singulares catalogados.
A primeira convocatoria do Programa de mantemento de edificios recibiu 36 solicitudes
02/08/2006 O Consorcio e o Concello de Santiago recibiron 36 solicitudes para o mantemento de edificios na cidade histórica, unha vez pechado o prazo o pasado 31 de xullo. Practicamente tódalas solicitudes se refiren á galerías e fiestras de madeira, co que se confirma que este programa cobre un baleiro en relación ás obras de mantemento que viñan afrontando en solitario os propietarios de Santiago. A subvención das obras para galerías de madeira e carpinterías é ata dun 50%, mentres que para o resto das obras é ata dun 30%.
No ámbito do Plan Especial, a Cidade Histórica conta con 978 galerías, das que 660 son de madeira, 260 de aluminio e 46 de PVC. Dentro das galerías de madeira, 371 están en bo estado, 200 están regular e 89 presentan un mal estado.O éxito do programa foi tal que o Consorcio de Santiago está estudando a apertura dunha nova convocatoria. Neste sentido, prega aos novos interesados neste programa que accedan á información correspondente na Oficina Municipal da Cidade Histórica e de Rehabilitación, aberta nos baixos do Pazo de Vaamonde, na Rúa do Vilar.
Pechado o prazo desta primeira convocatoria, agora corresponde aos técnicos do Consorcio a elaboración individualizada dos plans de mantemento para cada un dos solicitantes, así coma o custo e a subvención correspondente para a execución das obras.
O Consorcio de Santiago lanzou este innovador programa de axudas para subvencionar o mantemento das carpinterías a primeiros do mes de xullo, coa finalidade de completar o ciclo de axudas para a rehabilitación de vivendas e locais comerciais. Estas axudas supoñen un aforro económico importante, pois con elas evítanse importantes deterioros e, consecuentemente, grandes obras de restauración.
Ademais do mantemento de fiestras e galerías de madeira, este programa esténdese á envolvente exterior completa dos edificios, medianeiras, portais e escaleiras interiores, así como a aqueles elementos singulares catalogados.