ECONOMÍA
Un dos eixos do Santiago Investors Support é o apoio económico directo ás persoas emprendedoras da cidade, a través dunha convocatoria de axudas, que neste ano 2014 terá unha partida de 100.000 euros. O prazo de presentación das solicitudes de axudas remata o 30 de maio, e cada proxecto poderá recibir ata 5.000 euros. Ademais este ano, como novidade, nace un novo programa de axudas destinado a actividades de promoción económica de empresas e entidades, que terá unha dotación de 25.000 euros.
O outro eixo fundamental do Santiago Investors Support é a organización ou colaboración en múltiples actividades formativas ou de promoción económica, destinadas a empresarios e persoas emprendedoras. Neste aspecto cabe destacar a celebración dunha nova xornada, "Paixón emprendedora", que se desenvolverá o vindeiro 30 de abril en colaboración co Consorcio de Santiago e coa Confederación de Empresarios de Galicia e que ten como obxectivo presentar as axudas e os recursos aos que poden acceder as persoas emprendedoras.
No Santiago Investors Support enmárcanse tamén os encontros comerciais Getting Contacts, que se veñen desenvolvendo dende hai case tres anos e que se teñen consolidado como foros de referencia para o encontro e o coñecemento entre persoas emprendedoras e empresarios. O primeiro Getting Contacts deste ano celebrarase o vindeiro 28 de maio en Área Central.
No ano 2013 participaron máis de 3.500 persoas nalgunha das actividades de dinamización económica do programa Santiago Investors Support. Pero ademais de colaborar co tecido económico a través do Santiago Investors Support, a área de Economía do Concello pon tamén o edificio municipal Cersia á disposición das empresas e entidades de dinamización económica ao seu servizo para desenvolver obradoiros, charlas, reunións… No 2013 recibíronse máis de 900 solicitudes para o uso dos diferentes espazos do edificio, que sumaron máis de 4.000 horas de ocupación.
O Concello adica 100.000 euros ao apoio a persoas emprendedoras
25/04/2014 O programa Santiago Investors Support estrea unha partida de 25.000 para actividades ou eventos de promoción económica que desenvolvan empresas ou institucións da cidade. No ano 2013 partiparon máis de 3.500 persoas nas actividades do programa municipal de dinamización económica.
A concelleira de Economía, Reyes Leis, presentou no Pazo de Raxoi o programa Santiago Investors Support 2014 para a dinamización económica da cidade a través do apoio ás empresas e as persoas emprendedores composteláns. O programa Santiago Investors Support, que naceu a finais do ano 2011, ten tres obxectivos fundamentais: impulso e mellora da competitividade empresarial e comercial; proxección exterior e captación de investimentos; posta en valor e dinamización da actividade económica.Un dos eixos do Santiago Investors Support é o apoio económico directo ás persoas emprendedoras da cidade, a través dunha convocatoria de axudas, que neste ano 2014 terá unha partida de 100.000 euros. O prazo de presentación das solicitudes de axudas remata o 30 de maio, e cada proxecto poderá recibir ata 5.000 euros. Ademais este ano, como novidade, nace un novo programa de axudas destinado a actividades de promoción económica de empresas e entidades, que terá unha dotación de 25.000 euros.
O outro eixo fundamental do Santiago Investors Support é a organización ou colaboración en múltiples actividades formativas ou de promoción económica, destinadas a empresarios e persoas emprendedoras. Neste aspecto cabe destacar a celebración dunha nova xornada, "Paixón emprendedora", que se desenvolverá o vindeiro 30 de abril en colaboración co Consorcio de Santiago e coa Confederación de Empresarios de Galicia e que ten como obxectivo presentar as axudas e os recursos aos que poden acceder as persoas emprendedoras.
No Santiago Investors Support enmárcanse tamén os encontros comerciais Getting Contacts, que se veñen desenvolvendo dende hai case tres anos e que se teñen consolidado como foros de referencia para o encontro e o coñecemento entre persoas emprendedoras e empresarios. O primeiro Getting Contacts deste ano celebrarase o vindeiro 28 de maio en Área Central.
No ano 2013 participaron máis de 3.500 persoas nalgunha das actividades de dinamización económica do programa Santiago Investors Support. Pero ademais de colaborar co tecido económico a través do Santiago Investors Support, a área de Economía do Concello pon tamén o edificio municipal Cersia á disposición das empresas e entidades de dinamización económica ao seu servizo para desenvolver obradoiros, charlas, reunións… No 2013 recibíronse máis de 900 solicitudes para o uso dos diferentes espazos do edificio, que sumaron máis de 4.000 horas de ocupación.