CULTURA
O domingo 20 de abril, tamén no Auditorio de Galicia teremos o seguinte concerto do ciclo que ademais, está enmarcado no Festival de Músicas Contemplativas. Poderemos escoitar á Orquestra Nova e á Orquestra de Nenos da Sinfónica de Galicia cos Nenos Cantores da Sinfónica de Galicia. Interpretarán, dirixidos por James Ross no caso da Orquestra Nova e por Jorge Montes a Orquestra de Nenos, obras de Bach, Shostakovih e Buide.
Pechamos abril o martes 29 coa Orquestra do Conservatorio Superior de Música da Coruña, tamén no Auditorio de Galicia. Dirixidos por Sergio Añón, e con Dasiel Morales, violoncello e Anne Toming, pianista. Neste caso o programa comprende obras de Frédéric Chopin, Camille Saint-Saëns e Jean Sibelius.
En maio chegan ao programa as Orquestras Sinfónica e Xuvenil do Conservatorio Profesional de Música de Santiago que, ao igual que as Bandas do centro, participan por primeira vez neste ciclo. Será o sábado 10 de maio no Auditorio de Galicia cando os poderemos escoitar dirixidos por Roberto Santamarina, no caso da Orquestra Sinfónica, e por Elena Felpeto Paz, no da Orquestra Xuvenil. No programa, a Xuvenil interpretará obras de Diabelli, Purcell, Rodgers e Hammersteisn; e a Sinfónica ofrecerá un programa de Vivaldi, Bach, Beethoven e Mussorgski no que ademais estarán acompañados polo Coro do Conservatorio.
Pecha o programa do ciclo para este primeiro semestre o concerto dos Alumnos do Curso Avanzado de Especialización Orquestral da Escola de Altos Estudos Musicais acompañados da Real Filharmonía de Galicia. Será o xoves 12 de xuño no Auditorio Novagalicia Banco cando ofrezan este concerto como colofón aos seus estudos. Estarán dirixidos por Maximino Zumalave nun programa que está aínda por determinar.
As entradas serán de balde previa retirada de convites no caso dos concertos dos Conservatorios Profesionais de Música de Santiago e da Coruña. Poden retirarse os convites no Teatro Principal e nos propios Conservatorios. A da Orquestra Nova e de Nenos da Sinfónica de Galicia e a da Escola de Altos Estudos Musicais terá un prezo de 3 euros (de balde para os abonados do Auditorio de Galicia) e poden mercarse as entradas no despacho de billetes do Principal e o día do concerto no lugar do evento.
Seis concertos no ciclo de Novas Orquestras para o primeiro semestre de 2014
04/04/2014 O director-xerente do Auditorio de Galicia, José Víctor Carou, presentou esta mañá o programa de Novas Orquestras para o primeiro semestre deste ano. Fíxoo acompañado de Miguel Fariña, director do Conservatorio Profesional de Música de Santiago; Julio Mourenza, vicedirector do Conservatorio Superior de Música da Coruña; Alejandro Sanz, director académico da Orquestra Nova da Sinfónica de Galicia; e Enrique Meyer, xefe de estudos da Escola de Altos Estudos Musicais, entidades todas que participan no programa deste ano.
Tras a celebración do primeiro dos concertos o pasado 9 de xaneiro coa Orquestra Nova da Sinfónica de Galicia, o próximo concerto do ciclo será este mesmo sábado, 5 de abril, no Auditorio de Galicia coas Bandas Sinfónica e Xuvenil do Conservatorio Profesional de Música de Santiago. Primeiro poderemos escoitar á Banda Xuvenil, dirixida por Carmen Ferreiro Soto e formada polo alumnado dos cursos 1º, 2º e 3º de grao profesional cun programa de Chaikovski e Schônberg. Despois estará a Banda Sinfónica dirixida por José Rodríguez Ramos e formada por alumnos que cursan, na súa maioría, 4º, 5º e 6º do grao profesional das ensinanzas de música. O programa comprende obras de Orsomando, Vaughan Williams, Seráns Olveira e Couceiro Riveira.O domingo 20 de abril, tamén no Auditorio de Galicia teremos o seguinte concerto do ciclo que ademais, está enmarcado no Festival de Músicas Contemplativas. Poderemos escoitar á Orquestra Nova e á Orquestra de Nenos da Sinfónica de Galicia cos Nenos Cantores da Sinfónica de Galicia. Interpretarán, dirixidos por James Ross no caso da Orquestra Nova e por Jorge Montes a Orquestra de Nenos, obras de Bach, Shostakovih e Buide.
Pechamos abril o martes 29 coa Orquestra do Conservatorio Superior de Música da Coruña, tamén no Auditorio de Galicia. Dirixidos por Sergio Añón, e con Dasiel Morales, violoncello e Anne Toming, pianista. Neste caso o programa comprende obras de Frédéric Chopin, Camille Saint-Saëns e Jean Sibelius.
En maio chegan ao programa as Orquestras Sinfónica e Xuvenil do Conservatorio Profesional de Música de Santiago que, ao igual que as Bandas do centro, participan por primeira vez neste ciclo. Será o sábado 10 de maio no Auditorio de Galicia cando os poderemos escoitar dirixidos por Roberto Santamarina, no caso da Orquestra Sinfónica, e por Elena Felpeto Paz, no da Orquestra Xuvenil. No programa, a Xuvenil interpretará obras de Diabelli, Purcell, Rodgers e Hammersteisn; e a Sinfónica ofrecerá un programa de Vivaldi, Bach, Beethoven e Mussorgski no que ademais estarán acompañados polo Coro do Conservatorio.
Pecha o programa do ciclo para este primeiro semestre o concerto dos Alumnos do Curso Avanzado de Especialización Orquestral da Escola de Altos Estudos Musicais acompañados da Real Filharmonía de Galicia. Será o xoves 12 de xuño no Auditorio Novagalicia Banco cando ofrezan este concerto como colofón aos seus estudos. Estarán dirixidos por Maximino Zumalave nun programa que está aínda por determinar.
As entradas serán de balde previa retirada de convites no caso dos concertos dos Conservatorios Profesionais de Música de Santiago e da Coruña. Poden retirarse os convites no Teatro Principal e nos propios Conservatorios. A da Orquestra Nova e de Nenos da Sinfónica de Galicia e a da Escola de Altos Estudos Musicais terá un prezo de 3 euros (de balde para os abonados do Auditorio de Galicia) e poden mercarse as entradas no despacho de billetes do Principal e o día do concerto no lugar do evento.