XUVENTUDE
Tras os castings realizados en novembro, Compostela Actúa arranca este luns, a partir das 19:00 horas, co grupo instrumental. Os xoves, ás 19:00 horas, ensaiará o grupo de teatro, mentres que os venres, ás 18:30 horas, será a vez do grupo coral.
Arranca o proxecto Compostela Actúa
20/01/2014 Co obxectivo de dinamizar o movemento artístico e musical entre a cidadanía de Compostela, a Concellería de Xuventude pon en marcha o proxecto Compostela Actúa, que contará nos seus inicios con tres vertentes: grupo de teatro, grupo coral e grupo instrumental. Preto de 50 mozos participan no programa, tras ser escollidos entre os máis de 100 presentados aos castings.
O programa establece tres actividades formativas e de ensaio nas que os mozos e mozas da cidade con inquedanzas nos tres ámbitos poden participar libremente creando un grupo cohesionado que manteña estas actividades ao longo do tempo. A finalidade é crear un movemento grupal que dea cabida a toda a xuventude, para fortalecer a relación entre eles.Tras os castings realizados en novembro, Compostela Actúa arranca este luns, a partir das 19:00 horas, co grupo instrumental. Os xoves, ás 19:00 horas, ensaiará o grupo de teatro, mentres que os venres, ás 18:30 horas, será a vez do grupo coral.