CENTROS SOCIOCULTURAIS
O programa inclúe un ano máis un servizo de actividades matinais de tempo libre como apoio para as familias compostelás, que se desenvolverá en oito centros socioculturais: Vite, Conxo, Santa Marta, As Fontiñas, Nemenzo, Marrozos, A Gracia e Figueiras, cun total de 195 prazas para rapaces e rapazas de distintas idades.
Nos sete primeiros centros citados celebraranse as Mañás de Nadal "Un Nadal de conto" os días 23, 26, 27, 30 de decembro e 2, 3, 7 e 8 de xaneiro de 2014, en horario de 10:00 a 14:00 horas. Cada centro conta con 25 prazas, destinadas, no caso dos centros urbanos, a nenos nados entre os anos 2001 e 2009 e, nos rurais, aos nados entre 2001 e 2009.
O prazo de preinscrición estará aberto do 15 de novembro ao 5 de decembro. O prezo xeral é de 60 euros, se ben se contemplan diversas reducións por segundo fillo ou familia numerosa e exencións para familias en situación de paro dos pais, nais ou titores.
Monitores da Escola de Tempo Libre e Animación Sociocultural Don Bosco conducirán as actividades, que achegarán os rapaces, a través de xogos e dinámicas ao mundo da creatividade e da imaxinación durante as oito mañas do programa.
O programa destes sete centros complétase co organizado pola Asociación de Veciños Nova Xeira, en colaboración co Concello, no Local Sociocultural de Figueiras. Realizarase os días 23, 24, 26, 27, 30 e 31 de decembro, e 2, 3, 7 e 8 de xaneiro, de 9:00 a 14:00 horas.
Haberá prazas para un máximo de 20 nenos, nados entre 2000 e 2007). Neste campamento o prezo está entre 30 e 35 euros. A inscrición debe facerse a través do correo electrónico da Asociación Nova Xeira de Figueiras: novaxeira@gmail.com.
Actividades de tarde
Vive o Nadal 2013 tamén inclúe unha ampla gama de actividades socioculturais, que se desenvolverán en horario de tarde nos centros. Entre estas, destacan algunhas como:
- Obradoiros de decoración dos centros, montaxe de Beléns, confección de postais..
- Obradoiro do Agasallo Viaxeiro, que permitirá o intercambio de agasallos feitos entres os nenos dos centros socioculturais, a través dos 27 obradoiros específicos preparados para que antes de que remate o ano os nenos participantes reciban o seu agasallo.
- Obradoiros de achegamento á maxia, para nenos de 6 a 14 anos,
- Obradoiro Pequenos cineastas, rodamos unha peli (nenos de 7 a 12 anos) os días 10, 14, 17 e 18 de decembro, de 18:00 a 20:30 horas.
- Obradoiros para adultos de candeas decorativas, centros florais, ambientación navideña, receitas de Nadal…
- Mercado de troco de xogos e xoguetes e videoxogos en bo estado.
- Actuacións de maxia, bailes para adultos, teatro, contacontos, actuacións musicais, malabares, un encontro de xadrez para adultos, un torneo para nenos, xogos de rúa, excursión a Portugal para maiores.
- Visitas dos paxes dos Reis Magos aos centros para recoller as cartas dos nenos,
Maxia
En particular, Francisco Noya destacou a novidade este ano dos tres obradoiros de maxia para rapaces de 6 a 14 anos, que se realizarán nos centros socioculturais de Vite (16 de novembro ás 11:30 h), Santa Marta (28 de novembro ás 18:00 h) e O Castiñeiriño (5 de decembro ás 18:00 h).
Ademais, haberá tamén tres actuacións de maxia: 16 de decembro, ás 21:00 h, no LSC de Figueiras; 27 de decembro, ás 18:30 h, no CSC do Castiñeiriño; e 30 de decembro, ás 18:30 h, no CSC do Ensanche. Todos eles serán de entrada libre ata completar o aforo. A maxia será precisamente un dos eixes temáticos da programación do primeiro semestre de 2014 dos centros socioculturais, anunciou o edil.
Este calendario de Nadal complétase coa participación dos centros socioculturais, un ano máis, no Concurso Municipal de Beléns.
Todas as actividades son de balde, a excepción das Mañás de Nadal e do obradoiro Pequenos cineastas, rodamos unha peli. O orzamento estimado para todas estas actividades é de 15.000 euros.
"Vive o Nadal 2013" programa 200 accións en 37 centros socioculturais e outórgalle un protagonismo especial á maxia
14/11/2013 A Concellería de Centros Socioculturais pon en marcha unha nova edición de Vive o Nadal, cunha variada proposta de actividades socioculturais que comezan xa neste mes de novembro e que terán continuidade ata os primeiros días de xaneiro de 2014. Serán máis de 200 accións distintas en 37 centros socioculturais. Ademais, o programa conta novamente cun servizo de actividades matinais de conciliación para as familias compostelás, con 195 prazas repartidas entre oito centros socioculturais.
Segundo explicou o concelleiro de Centros Socioculturais, Francisco Noya, o obxectivo deste Vive o Nadal 2013 é "complementar a oferta habitual de actividades e servizos dos centros socioculturais, na contorna das festas de Nadal e no período das vacacións dos escolares, así como achegar ao público familiar unha oferta de actividades de lecer diversa, poñendo en valor a convivencia, o encontro e as relacións humanas". O edil presentou o calendario de actividades acompañado por Francisco Rodríguez, de Don Bosco; o Mago Xacobe; e a técnica Mª Carmen de la Cruz.O programa inclúe un ano máis un servizo de actividades matinais de tempo libre como apoio para as familias compostelás, que se desenvolverá en oito centros socioculturais: Vite, Conxo, Santa Marta, As Fontiñas, Nemenzo, Marrozos, A Gracia e Figueiras, cun total de 195 prazas para rapaces e rapazas de distintas idades.
Nos sete primeiros centros citados celebraranse as Mañás de Nadal "Un Nadal de conto" os días 23, 26, 27, 30 de decembro e 2, 3, 7 e 8 de xaneiro de 2014, en horario de 10:00 a 14:00 horas. Cada centro conta con 25 prazas, destinadas, no caso dos centros urbanos, a nenos nados entre os anos 2001 e 2009 e, nos rurais, aos nados entre 2001 e 2009.
O prazo de preinscrición estará aberto do 15 de novembro ao 5 de decembro. O prezo xeral é de 60 euros, se ben se contemplan diversas reducións por segundo fillo ou familia numerosa e exencións para familias en situación de paro dos pais, nais ou titores.
Monitores da Escola de Tempo Libre e Animación Sociocultural Don Bosco conducirán as actividades, que achegarán os rapaces, a través de xogos e dinámicas ao mundo da creatividade e da imaxinación durante as oito mañas do programa.
O programa destes sete centros complétase co organizado pola Asociación de Veciños Nova Xeira, en colaboración co Concello, no Local Sociocultural de Figueiras. Realizarase os días 23, 24, 26, 27, 30 e 31 de decembro, e 2, 3, 7 e 8 de xaneiro, de 9:00 a 14:00 horas.
Haberá prazas para un máximo de 20 nenos, nados entre 2000 e 2007). Neste campamento o prezo está entre 30 e 35 euros. A inscrición debe facerse a través do correo electrónico da Asociación Nova Xeira de Figueiras: novaxeira@gmail.com.
Actividades de tarde
Vive o Nadal 2013 tamén inclúe unha ampla gama de actividades socioculturais, que se desenvolverán en horario de tarde nos centros. Entre estas, destacan algunhas como:
- Obradoiros de decoración dos centros, montaxe de Beléns, confección de postais..
- Obradoiro do Agasallo Viaxeiro, que permitirá o intercambio de agasallos feitos entres os nenos dos centros socioculturais, a través dos 27 obradoiros específicos preparados para que antes de que remate o ano os nenos participantes reciban o seu agasallo.
- Obradoiros de achegamento á maxia, para nenos de 6 a 14 anos,
- Obradoiro Pequenos cineastas, rodamos unha peli (nenos de 7 a 12 anos) os días 10, 14, 17 e 18 de decembro, de 18:00 a 20:30 horas.
- Obradoiros para adultos de candeas decorativas, centros florais, ambientación navideña, receitas de Nadal…
- Mercado de troco de xogos e xoguetes e videoxogos en bo estado.
- Actuacións de maxia, bailes para adultos, teatro, contacontos, actuacións musicais, malabares, un encontro de xadrez para adultos, un torneo para nenos, xogos de rúa, excursión a Portugal para maiores.
- Visitas dos paxes dos Reis Magos aos centros para recoller as cartas dos nenos,
Maxia
En particular, Francisco Noya destacou a novidade este ano dos tres obradoiros de maxia para rapaces de 6 a 14 anos, que se realizarán nos centros socioculturais de Vite (16 de novembro ás 11:30 h), Santa Marta (28 de novembro ás 18:00 h) e O Castiñeiriño (5 de decembro ás 18:00 h).
Ademais, haberá tamén tres actuacións de maxia: 16 de decembro, ás 21:00 h, no LSC de Figueiras; 27 de decembro, ás 18:30 h, no CSC do Castiñeiriño; e 30 de decembro, ás 18:30 h, no CSC do Ensanche. Todos eles serán de entrada libre ata completar o aforo. A maxia será precisamente un dos eixes temáticos da programación do primeiro semestre de 2014 dos centros socioculturais, anunciou o edil.
Este calendario de Nadal complétase coa participación dos centros socioculturais, un ano máis, no Concurso Municipal de Beléns.
Todas as actividades son de balde, a excepción das Mañás de Nadal e do obradoiro Pequenos cineastas, rodamos unha peli. O orzamento estimado para todas estas actividades é de 15.000 euros.