ALCALDÍA
O galardón fallarase nun acto previsto para o 17 de decembro, ás 19:30 horas, no Pazo de Raxoi. Os interesados en participar teñen ata o 30 de novembro para remitir os seus traballos por correo certificado á Asociación do Traxe Galego (rúa do Hórreo, 19 – Galerías Viacambre Local 57-58, 15702 Santiago de Compostela).
Descritivos ou analíticos
Consideraranse na modalidade de traballos descritivos aqueles que, recuperando traxes, especifiquen a materia con que están feitas as pezas, presenten patróns, medidas, onde se atoparon, onde están actualmente e de que época é cada unha das pezas analizadas, pero evitando elevar esas pezas ou eses traxes, sen máis documentación que a confirme e complemente, a categoría absoluta para unha terra ou unha época.
En cambio, estimaranse traballos analíticos os que:
- Pescuden información sobre o traxe tradicional en: inventarios post-morten, na tradición oral, na iconografía (gravado, pintura, fotografía), na literatura, na lingüística e na fraseoloxía.
- Centren a investigación sobre: as crenzas e valores relacionados co traxe, na influencia que na indumentaria tiveron os poderes relixiosos, económicos e políticos, e sobre os aspectos sociolóxicos relacionados coa indumentaria tradicional, como a dos artesáns da nosa indumentaria (zoqueiros, costureiras, etc).
- Documenten a feitura dun determinado traxe, non só amosando e catalogando as pezas que o compoñen, senón tamén investigando quen foi o autor ou autora do mesmo, que técnicas de elaboración foron empregadas na transformación das materias primas e tamén na tecedura, nos adobíos e nos enfeites das mesmas.
O Xurado desta edición do Premio estará composto por Xosé Manuel González Reboredo, do Consello da Cultura Galega; Ana Blanco Amor, da Fundación Rosalía de Castro; e Xesús Ferro Ruibal, do Centro Ramón Piñeiro.
Asociación do Traxe Galego
A Asociación do Traxe Galego é unha entidade cultural sen ánimo de lucro que, coa axuda dos seus máis de 300 socios, vén traballando dende distintas vertentes sobre o obxectivo xeral da promoción, dignificación e uso do noso traxe tradicional. Dende 1995, a Asociación promove anualmente o único premio de investigación sobre o traxe tradicional existente en Galicia.
O Premio Antonio Fraguas busca un ano máis os mellores traballos de investigación sobre o traxe tradicional galego
12/11/2013 A Asociación do Traxe Galego, coa colaboración do Concello e do Centro Comercial Compostela convoca a XIX edición do Premio de Investigación Antón Fraguas sobre o Traxe Galego. Unha vez máis premiaranse os mellores traballos descritivos e analíticos sobre esta indumentaria.
O alcalde compostelán, Ángel Currás, e a presidenta da Asociación do Traxe Galego, Cristina Mosquera, presentaron esta nova convocatoria, que mantén a contía dos premios: 1.200 euros para o mellor traballo analítico e 600 para o mellor traballo descritivo. O rexedor compostelán afirmou agardar a máxima concorrencia a este Premio, dedicado a un traxe galego que "é parte da nosa tradición e da nosa herdanza, e que fala da nosa historia".O galardón fallarase nun acto previsto para o 17 de decembro, ás 19:30 horas, no Pazo de Raxoi. Os interesados en participar teñen ata o 30 de novembro para remitir os seus traballos por correo certificado á Asociación do Traxe Galego (rúa do Hórreo, 19 – Galerías Viacambre Local 57-58, 15702 Santiago de Compostela).
Descritivos ou analíticos
Consideraranse na modalidade de traballos descritivos aqueles que, recuperando traxes, especifiquen a materia con que están feitas as pezas, presenten patróns, medidas, onde se atoparon, onde están actualmente e de que época é cada unha das pezas analizadas, pero evitando elevar esas pezas ou eses traxes, sen máis documentación que a confirme e complemente, a categoría absoluta para unha terra ou unha época.
En cambio, estimaranse traballos analíticos os que:
- Pescuden información sobre o traxe tradicional en: inventarios post-morten, na tradición oral, na iconografía (gravado, pintura, fotografía), na literatura, na lingüística e na fraseoloxía.
- Centren a investigación sobre: as crenzas e valores relacionados co traxe, na influencia que na indumentaria tiveron os poderes relixiosos, económicos e políticos, e sobre os aspectos sociolóxicos relacionados coa indumentaria tradicional, como a dos artesáns da nosa indumentaria (zoqueiros, costureiras, etc).
- Documenten a feitura dun determinado traxe, non só amosando e catalogando as pezas que o compoñen, senón tamén investigando quen foi o autor ou autora do mesmo, que técnicas de elaboración foron empregadas na transformación das materias primas e tamén na tecedura, nos adobíos e nos enfeites das mesmas.
O Xurado desta edición do Premio estará composto por Xosé Manuel González Reboredo, do Consello da Cultura Galega; Ana Blanco Amor, da Fundación Rosalía de Castro; e Xesús Ferro Ruibal, do Centro Ramón Piñeiro.
Asociación do Traxe Galego
A Asociación do Traxe Galego é unha entidade cultural sen ánimo de lucro que, coa axuda dos seus máis de 300 socios, vén traballando dende distintas vertentes sobre o obxectivo xeral da promoción, dignificación e uso do noso traxe tradicional. Dende 1995, a Asociación promove anualmente o único premio de investigación sobre o traxe tradicional existente en Galicia.