CENTROS SOCIOCULTURAIS
Cheo en Santa Marta para asistir ao concerto familiar "Fantasía animada"
20/10/2013 A Sala Agustín Magán, no Centro Sociocultural de Santa Marta encheu as súas 150 prazas, cubertas de balde previa recollida de invitación, para asistir á segunda edición do concerto "Fantasía animada", a cargo da Banda Municipal de Música, no marco do ciclo Compostela Cine Classics 2013. Á vista do éxito, repetirase experiencia no Nadal.
Esta actuación, dirixida ao público familiar, fixo un percorrido polas bandas sonoras de grandes clásicos de animación, con proxección audiovisual das pezas interpretadas.