ALCALDÍA
Un total de sete músicos galegos foron os seleccionados para participar como intérpretes nos sete concertos que conforman o festival. Dende Rusia chegan seis novas promesas do virtuosismo instrumental, así como catro cantantes de ópera. A música convértese na lingua de comunicación entre os novos intérpretes neste encontro internacional, que se celebrará en Santiago de Compostela do 22 ao 27 de setembro. Como novidade, este ano Vigo e A Estrada súmanse á capital de Galicia como sedes dos concertos.
Convidada de honra
A filla do mítico violonchelista Rostropóvich, Olga Rostropóvich, converterase na convidada de honra do Festival Peregrinos Musicais 2013. Estará presente para presentar e representar o centro de ópera que leva o nome da súa nai, Galina Vishnevskaya. Os seus solistas serán protagonistas da gala lírica que, como novidade, terá lugar o xoves 26 de setembro no Teatro Principal de Santiago de Compostela.
O completo programa musical e de concertos arranca o domingo 22 de setembro co concerto inaugural que terá lugar no Hostal Reis Católicos de Santiago de Compostela a partir das 19:30 horas. O luns 23, e facendo gala da "peregrinación musical", o virtuosismo trasládase ao Teatro Principal da Estrada, ás 20:30 horas.
As novas promesas musicais do festival tamén pasarán por Auditorio do Centro Novacaixagalicia de Vigo. O martes 24, a partir das 20:30 horas, será escenario da presentación do centro de ópera Galina Vishneskaya nun encontro con cantantes de ópera, o primeiro na historia do festival.
Os Peregrinos Musicais tamén pasarán pola Catedral de Santiago. Será o mércores 25 nun concerto que terá lugar a partir das 21:00 horas. O xoves 26 será a quenda da lírica, nun acto que servirá para presentar o Centro de Ópera Galina Vishnevskaya, esposa de Rostropovich. A gala lírica celebrarase no Teatro Principal de Santiago a partir das 20:30 horas e contará coa participación dos solistas do centro.
O concerto de clausura será o venres 27 de setembro no Auditorio de Galicia ás 21:00 horas. Nel, as novas promesas terán a oportunidade de subir ao escenario acompañados da Real Filharmonía de Galicia, baixo a batuta de Maximino Zumalave.
O Festival Peregrinos Musicais convoca por terceiro ano os novos talentos musicais de Galicia e de Rusia
13/09/2013 As novas promesas musicais de Galicia e de Rusia son as protagonistas da terceira edición do Festival Peregrinos Musicais, unha iniciativa promovida pola Asociación Peregrinos Musicais co apoio do Concello de Santiago e da Consellería de Cultura, Educación e Ordenación Universitaria.
O festival, que constitúe unha oportunidade para que os músicos noveis de Galicia poidan traballar conxuntamente con músicos novos procedentes de Rusia e, ao mesmo tempo, reforzar a súa formación ao lado doutros músicos xa consolidados, foi presentado pola alcaldesa en funcións, Amelia González; polo secretario xeral de Cultura, Anxo Lorenzo; e pola directora artísticas do iniciativa, Ilona Timchenko.Un total de sete músicos galegos foron os seleccionados para participar como intérpretes nos sete concertos que conforman o festival. Dende Rusia chegan seis novas promesas do virtuosismo instrumental, así como catro cantantes de ópera. A música convértese na lingua de comunicación entre os novos intérpretes neste encontro internacional, que se celebrará en Santiago de Compostela do 22 ao 27 de setembro. Como novidade, este ano Vigo e A Estrada súmanse á capital de Galicia como sedes dos concertos.
Convidada de honra
A filla do mítico violonchelista Rostropóvich, Olga Rostropóvich, converterase na convidada de honra do Festival Peregrinos Musicais 2013. Estará presente para presentar e representar o centro de ópera que leva o nome da súa nai, Galina Vishnevskaya. Os seus solistas serán protagonistas da gala lírica que, como novidade, terá lugar o xoves 26 de setembro no Teatro Principal de Santiago de Compostela.
O completo programa musical e de concertos arranca o domingo 22 de setembro co concerto inaugural que terá lugar no Hostal Reis Católicos de Santiago de Compostela a partir das 19:30 horas. O luns 23, e facendo gala da "peregrinación musical", o virtuosismo trasládase ao Teatro Principal da Estrada, ás 20:30 horas.
As novas promesas musicais do festival tamén pasarán por Auditorio do Centro Novacaixagalicia de Vigo. O martes 24, a partir das 20:30 horas, será escenario da presentación do centro de ópera Galina Vishneskaya nun encontro con cantantes de ópera, o primeiro na historia do festival.
Os Peregrinos Musicais tamén pasarán pola Catedral de Santiago. Será o mércores 25 nun concerto que terá lugar a partir das 21:00 horas. O xoves 26 será a quenda da lírica, nun acto que servirá para presentar o Centro de Ópera Galina Vishnevskaya, esposa de Rostropovich. A gala lírica celebrarase no Teatro Principal de Santiago a partir das 20:30 horas e contará coa participación dos solistas do centro.
O concerto de clausura será o venres 27 de setembro no Auditorio de Galicia ás 21:00 horas. Nel, as novas promesas terán a oportunidade de subir ao escenario acompañados da Real Filharmonía de Galicia, baixo a batuta de Maximino Zumalave.