TURISMO
Part 2 Production ten recibido multitude de premios polos seus documentais, que se emiten nalgunhas das canles de máis prestixio do mundo, como National Geographic, History Channel, Discovery Channel ou PBS. A produtora, que conta coa colaboración de Turismo de Santiago a través do seu servizo para a promoción a través do audiovisual, a Santiago de Compostela Film Commission, leva gravando no Camiño dende o 27 de agosto, e estivo os días pasados na cidade, gravando especialmente na Catedral e nas súas prazas.
EEUU está consolidándose coma un dos mercados principais para a cidade, tanto en número de pernoctacións como en número de peregrinos. No ano 2012 viviu a maior cifra da historia da cidade en ambas categorías, cuns crecementos do 90% no número de peregrinos e do 30% en pernoctacións na cidade. Neste ano 2013 parece que se superarán as cifras do ano pasado, xa que ata o 27 de agosto fixeron o Camiño 6.729 peregrinos procedentes do país, practicamente os mesmos que no conxunto do 2012.
A canle de televisión de Oprah Winfrey grava en Santiago un documental sobre o Camiño
06/09/2013 A produtora de Nova York Part 2 Productions estivo estes días en Santiago gravando parte dun documental sobre o Camiño de Santiago que se emitirá na canle de televisión de Oprah Winfrey, OWN. Oprah Winfrey, propietaria dun importante grupo mediático con presenza en televisión, radio, prensa e internet, é a muller máis influinte de EEUU e foi a única persoa incluída en todas as edicións da lista de 100 persoas máis influíntes do mundo da revista TIME entre os anos 2004 e 2011.
O documental sobre o Camiño de Santiago intégrase nunha serie de sete capítulos nos que se tratará o tema da espiritualidade a través de experiencias concretas. No caso do documental dedicado á espiritualidade no Camiño de Santiago, o protagonista será un médico quen, tras xubilarse, vivir a morte da súa esposa e a piques de ser avó por primeira vez, atopou a paz de espírito percorrendo o Camiño.Part 2 Production ten recibido multitude de premios polos seus documentais, que se emiten nalgunhas das canles de máis prestixio do mundo, como National Geographic, History Channel, Discovery Channel ou PBS. A produtora, que conta coa colaboración de Turismo de Santiago a través do seu servizo para a promoción a través do audiovisual, a Santiago de Compostela Film Commission, leva gravando no Camiño dende o 27 de agosto, e estivo os días pasados na cidade, gravando especialmente na Catedral e nas súas prazas.
EEUU está consolidándose coma un dos mercados principais para a cidade, tanto en número de pernoctacións como en número de peregrinos. No ano 2012 viviu a maior cifra da historia da cidade en ambas categorías, cuns crecementos do 90% no número de peregrinos e do 30% en pernoctacións na cidade. Neste ano 2013 parece que se superarán as cifras do ano pasado, xa que ata o 27 de agosto fixeron o Camiño 6.729 peregrinos procedentes do país, practicamente os mesmos que no conxunto do 2012.