ECONOMÍA
A xornada formativa celebrarase o 19 de setembro no edificio municipal Cersia. Terá oito horas de duración, en horario de 10:00 a 14:00 e de 16:00 a 20:00 horas. O curso é gratuíto e a inscrición pode facerse a través da web www.cersiaempresa.org. Para máis información pode chamarse ao 981 542 493.
Axudas a emprendedores
Neste mes de setembro rematan os prazos para solicitar as dúas liñas de axudas a emprendedores abertas este ano polo Concello, que en conxunto suman un orzamento de 160.000 euros para apoiar a creación e desenvolvemento de novas empresas na cidade, a maior cifra que se ten dedicado a este capítulo por parte do Concello.
Por unha banda, atópanse as axudas do departamento de Economía do Concello, a través do programa Santiago Investors Support, que contan cun orzamento de 100.000 euros. Poderán percibir as axudas as persoas físicas ou xurídicas que comezaran a súa actividade entre o 1 de xuño de 2011 e o 31 de xullo de 2013. O prazo de solicitude das axudas abriuse o 10 de agosto e rematará o 10 de setembro.
Ademais da liña xenérica do Santiago Investors Support, este ano o Concello abriu tamén unha nova liña de axudas para emprendedores dentro do Urbana Santiago Norte. Esta convocatoria está aberta tanto a emprendedores que comezaran o seu proxecto empresarial entre o 1 de xuño de 2012 e o 31 de xullo de 2013, como aquelas empresas xa creadas anteriormente, pero que neste período desenvolveran novas liñas de negocio ou implantaran novas ferramentas de xestión empresarial. O prazo de solicitude das axudas abriuse o 10 de agosto e rematará o 20 de setembro.
Tamén continúa aberto ata o 11 de setembro o prazo de inscrición nos cursos para emprendedores dentro do programa Urbana Santiago Norte que se desenvolverán no último trimestre do ano, dous deles fisicamente e o terceiro a través de Internet.
O edificio municipal Cersia acolle o obradoiro "Dirixir con eficacia"
05/09/2013 A Concellería de Economía, dentro do programa Santiago Investors Support para fomentar o tecido empresarial e a cultura emprendedora da cidade, organiza o obradoiro "Dirixir con eficacia", dirixido a persoas emprendedoras, traballadores en activo do tecido empresarial de Santiago, persoas desempregadas e estudantes.
O obxectivo do curso é amosar a importancia que ten coñecer as técnicas de dirección dun grupo, poñendo en valor as capacidades de todos os seus compoñentes de tal xeito que se multiplique o resultado do traballo conxunto. Estrutúrase en oito apartados: Porqué fallan os resultados?, Ideas que provocan melloras, Aprende a escoitar con profundidade; Reúnete cos teus colaboradores; Asume e comprende roles; O estímulo dos obxectivos; Motiva, delega, controla e soluciona; Compara, actúa, mide; Concéntrate no importante.A xornada formativa celebrarase o 19 de setembro no edificio municipal Cersia. Terá oito horas de duración, en horario de 10:00 a 14:00 e de 16:00 a 20:00 horas. O curso é gratuíto e a inscrición pode facerse a través da web www.cersiaempresa.org. Para máis información pode chamarse ao 981 542 493.
Axudas a emprendedores
Neste mes de setembro rematan os prazos para solicitar as dúas liñas de axudas a emprendedores abertas este ano polo Concello, que en conxunto suman un orzamento de 160.000 euros para apoiar a creación e desenvolvemento de novas empresas na cidade, a maior cifra que se ten dedicado a este capítulo por parte do Concello.
Por unha banda, atópanse as axudas do departamento de Economía do Concello, a través do programa Santiago Investors Support, que contan cun orzamento de 100.000 euros. Poderán percibir as axudas as persoas físicas ou xurídicas que comezaran a súa actividade entre o 1 de xuño de 2011 e o 31 de xullo de 2013. O prazo de solicitude das axudas abriuse o 10 de agosto e rematará o 10 de setembro.
Ademais da liña xenérica do Santiago Investors Support, este ano o Concello abriu tamén unha nova liña de axudas para emprendedores dentro do Urbana Santiago Norte. Esta convocatoria está aberta tanto a emprendedores que comezaran o seu proxecto empresarial entre o 1 de xuño de 2012 e o 31 de xullo de 2013, como aquelas empresas xa creadas anteriormente, pero que neste período desenvolveran novas liñas de negocio ou implantaran novas ferramentas de xestión empresarial. O prazo de solicitude das axudas abriuse o 10 de agosto e rematará o 20 de setembro.
Tamén continúa aberto ata o 11 de setembro o prazo de inscrición nos cursos para emprendedores dentro do programa Urbana Santiago Norte que se desenvolverán no último trimestre do ano, dous deles fisicamente e o terceiro a través de Internet.