Axenda

"Luis Seoane da costa de Circe á costa da Morte" é o título da exposición que acolle o Auditorio de Galicia, con óleos da colección Alcalde Varela. A mostra está comisariada por Rosa Espiñeira Pan e producida pola Concellaría de Cultura.

Do 27 de febreiro ao 29 de abril, no Auditorio de Galicia.

Horario: todos os días de 10:00 a 14:00 h e de 16:00 a 20:00 h, excepto os días de concerto, que pecha ás 19:00 h.

O Orfeón Terra a Nosa e a Capela Compostelá interpretan o madrigal "Barca di Venezia per Padova", composto en 1605 por Adriano Banchieri. É unha comedia harmónica que reúne toda as características da Commedia dell'arte que se puxo de moda en Italia no Renacemento serodio: Lucio, Oratio, Dottore e Isabella protagonizan unha trama na que non faltan il Capitano, un Clown, un Pierrot, un equilibrista, un arlequino, unha Colombina, un Pantalone...

O venres 27 de abril, ás 10:00 e ás 12:00 horas, no Auditorio de Galicia.

O Paseo Central da Alameda acolle unha nova edición da Feira do Libro. Mesas redondas, sorteos de lotes de libros, exposicións, obradoiros, firmas de libros e moitas outras actividades.

Do 27 de abril ao 6 de maio no Paseo Central da Alameda.

Alumnos de centros de ensino da cidade e da comarca repreentan as súas propias obras de teatro no XII Certame Intercentros.

Os días 18, 19, 20, 24, 25, 26 e 27 de abril, no salón de actos do Instituto Rosalía de Castro.

• Programa

As corais de Santiago percorren coas súas actuacións os centros socioculturais.

Todas as actuacións son ás 20:00 horas, agás nos CSC das Fontiñas e no CSC Aurelio Aguirre de Conxo, que son ás 19:30 horas.

• Programación

A Asociación de Veciños O Castiñeiro e a AC Xurásica botan a andar a Aula de Teatro do Castiñeiriño. O barrio contará cunha actividade máis para a súa oferta de lecer, unhas clases impartidas pola actriz Ursia Gago e o seu equipo.

Do 10 de outubro de 2006 ao 30 de xuño de 2007, de 20:30 a 22:30 horas, no Castiñeiriño.