Axenda

O Programa de recuperación da memoria histórica dos barrios, "A historia vai por barrios", chega agora a Villestro.

Do 7 de febreiro ao 11 de marzo, no Centro Sociocultural de Villestro.

Mar Castro Manzanares é veciña de Conxo, estudou fotografía na Escola de Artes e Oficios de Santiago de Compostela. Na súa obra reflíctese o intento por afondar e abranguer o plano conceptual. A súa mirada vai do concepto á imaxe, nun camiño no que vai esmiuzando e devalando na procura final da súa plasmación integral a través da imaxe. Con comezo e fin, a obra "Identidade" incorpora significación ás imaxes e ilustra unha mensaxe que vai cobrando sentido ao tempo que se vai transmitindo.

O tema identidade, introdúcenos nun tema moi recorrente nos nosos días. A identidade individual e colectiva, o suxeito no mundo actual en que interesa en canto número. A identidade sentida como ausencia dela, a idea de encontrarnos a nós mesmos, de situármonos... A identidade como cambio. En fin, a busca da identidade.

Atao 15 de febreiro, no Centro Sociocultural de Fontiñas.

James Judd dirixe á Orquestra Sinfónica de Galicia e ao pianista Boris Berzovski na interpretación do "Falstaff", estudo sinfónico do británico Elgar, e do "Concerto para piano número 3 en re menor de Rachmaninov".

O xoves 15 de febreiro, ás 21:00 horas, no Auditorio de Galicia.

Áncora produccións representa "Final de película", de Gustavo Pernas Cora. Con Ánxela G. Abalo, Vicente de Souza, Fernando Morán, Xavier Deive, Estívaliz Veiga e Marcos Pereiro. Dirixe Gustavo Pernas Cora.

O xoves 15 e o venres 16 de febreiro, ás 21:00 horas, no Teatro Principal.

A Asociación de Veciños O Castiñeiro e a AC Xurásica botan a andar a Aula de Teatro do Castiñeiriño. O barrio contará cunha actividade máis para a súa oferta de lecer, unhas clases impartidas pola actriz Ursia Gago e o seu equipo.

Do 10 de outubro de 2006 ao 30 de xuño de 2007, de 20:30 a 22:30 horas, no Castiñeiriño.