Axenda

A sede do antigo Banco de España acolle a exposición "Santiago dC", pensada polo Consorcio de Santiago para achegar dun xeito diferente a realidade urbana da cidade e os seus cambios e transformacións nos quince anos de historia deste organismo interadministrativo.

A mostra componse de 200 fotografías que crean unha verdadeira cidade dentro da cidade, un espazo de reflexión que, dende o pasado, empurra cara o futuro.

Ata o 30 de decembro, no Banco de España (praza das Praterías).

Os traballos do V Premio Auditorio de Galicia para Novos Artistas recóllense nunha mostra.

Do 20 de decembro ao 24 de febreiro, no Auditorio de Galicia.

Novo concerto da Real Filharmonía de Galicia, interpretando "A Creación", de Haydn. As voces correrán a cargo do Coro Nacional de España, a soprano Raquel Lojendio, o tenor Agustín Prunell-Friend, e o barítono David Wilson Johnson.

O venres 21 de decembro, ás 21:00 horas, no Auditorio de Galicia.

Compostela únese ao ao II Circuito Galego da Maxia, cunha gala conxunta a cargo do mago Antón, do mago Romarís, do mago Richard, de Luis Manuel e do mago Vituco.

O venres 21 de decembro, ás 20:30 horas, no Teatro Principal.

Concerto para a mocidade compostelá no que actuarán dous grupos que ensaian nos Locais Municipais de Música: Codename e Pa La Peña (PLP). A asistencia é libre e de balde.

O venres 21 de decembro, a partir das 22:30 horas, na Sala Capitol.