Axenda

A Zona C acolle unha exposición de Nuria Ruibal baixo o título Entre a razón e a pel.

Do 17 de xuño ao 12 de setembro, na Zona C.

A Casa das Asociacións acolle a exposición "A indumentaria tradicional galega. O traxe de Muros". A mostra é obra da Agrupación Folclórica Ximiela, coa colaboración da Deputación da Coruña. Consta de nove traxes rexionais, sete de muller e dous de home, en manequíns, representando a indumentaria tradicional das distintas comarcas galegas. Ademais, exhíbese unha colección de roupas, traxes infantís, adornos, xoiería e unha ampla colección de bonecas.

Todos os traxes foron confeccionados pola Agrupación Folclórica Ximiela, de Louro (Muros). Esta asociación naceu hai dez anos coa intención de ocupar o ocio infantil na parroquia con clases de baile, instrumentación e canto, formando un grupo folclórico. O traxes iniciais dos grupos de baile e gaita eran correntes, e entón propuxéronse confeccionar elos mesmos unha indumentaria luxosa, partindo do afamado que era tradicionalmente o traxe de Muros. Agora exhiben unha pequena mostra, pois teñen preto de cen traxes para todos os seus bailaríns e músicos.

Esta exposición comezou a súa andaina en Muros, o verán de 2009. Dende entón percorreu as salas de exposicións dos concellos de Outes, Mazaricos, Negreira, Ames, Carnota, Cee, Ribeira, Santa Comba, Boiro, Cerceda e Oroso. Tamén representou á Deputación nun programa de intercambio cultural coa cidade portuguesa de Viana, permanecendo exposta un mes no Museo Nacional do Traxe de Portugal. En setembro levarase ao Parlamento Europeo. A Concellería agasallará ás asociacións con exemplares do catálogo desta exposición.

Do 22 de xuño ao 30 de xullo, na Casa das Asociacións.

Dentro das actividades para celebrar o Día Europeo da Música, nova xornada de concetos no Casino, no parque de Bonaval e na praza do Toural:

17:00 h Casino de Santiago
House of madness

18:00 h Parque de Bonaval
Orquestra da Escola Municipal de Müsica e nenos e nenas de música e movemento da ESMU

20:00 h Praza do Toural
Banda da Escola Municipal de Müsica

20:00 h Casino de Santiago
Música de Cámara e obradoiro literario-Escola de Música Berenguela.

23:00 h Casino de Santiago
Javiera Varela Prado, Piano

Durante toda a xornada en diversos espazos da cidade.

• Programa de actividades

Dentro do programa Santiago Encantado, obradoiro de monicreques a cargo de Titiriarte.

O xoves 24 e o venres 25, a partir das 18:00 horas, no Centro Sociocultural de Conxo.

A Banda Municipal da Música, dirixida por X. C. Seráns sae á rúa nun dos seus concertos de verán.

O xoves 24 de xuño, ás 19:30 horas, na rúa do Vilar.