Axenda

"María Xosé Díaz 1980-2010" é o título da exposición que amosa unha compilación da obra desta artista nada en Catoira. A mostra está comisariada por Antonio Garrido Moreno.

Do 11 de marzo ao 20 de xuño, no Auditorio de Galicia.

A 29ª edición da Feira do Libro de Santiago de Compostela celébrase do 1 ao 9 de maio. Durante eses dez días, a Alameda acolle os expositores de librarías e editoriais que dan a coñecer as súas principais novidades. A feira complétase cun intenso programa de actividades.

Do 1 ao 9 de maio, de 11:00 a 21:30 horas, na Alameda.

No marco do programa Santiago Encantado, obradoiro a cargo de Títeres Cachirulo, unha compañía compostelá que leva dende 1986 montando espectáculos de monicreques para público infantil e adulto.

O sábado 8 de maio, ás 11:30 horas, no Centro Sociocultural de Vite.

A compañía Talía Teatro ofrece unha sesión de contos que ten como protagonista a Samba, que garda varios mundos dentro dela.

O sábado 8 de maio, ás 12:30 horas, no Centro Sociocultural das Fontiñas.

Nova actividade do programa Imos ao baile, desta volta no Centro Sociocultural Agustín Bueno do Castiñeiriño, coa dirección de Eva e Camilo.

O sábado 8 de maio, ás 17:30 horas, no Centro Sociocultural do Castiñeiriño.

O CSC das Fontiñas acolle unha Semana da Natureza chea de actividades, no marco da Aula de Xogo.

Do 4 ao 8 de maio, no Centro Sociocultural das Fontiñas.

No marco do programa Aula de Xogo, sesión de manualidades.

Os sábados 8, 15, 22 e 29 de maio, ás 19:00 horas, no Centro Sociocultural das Fontiñas.

A Zona "C" acolle a exposición fotográfica de Antía Moure, titulada Grandes Batallas.

Ata o 21 de maio, na Zona "C".