Axenda

A Casa das Asociacions acolle a mostra As Misións Pedagóxicas 1931-1936. Esta exposición divídese en varios epígrafes que percorren dende os antecedentes desta experiencia ata os servizos que ofrecían as Misións Pedagóxicas: o Servizo de Bibliotecas, o Museo do Pobo, o Cine, o Coro e Teatro do Pobo, o Servizo de Música ou o Retablo de Fantoches, que naceu en terras galegas. Os habitantes das aldeas e das vilas ás que chegaron as Misións, así coma os intelectuais, pintores, escritores ou mestres que colaboraron nesta iniciativas, son os protagonistas da mostra.

A exposición tamén quere reflexionar sobre o que supuxeron as Misións Pedagóxicas para aquela mocidade de entón e o corte que produciu nas súas biografías o estalido da Guerra Civil. Por iso, tamén están programadas paralelamente mesas redondas, abertas ao público, coa participación de destacados representantes de ámbitos pedagóxicos, da historia da arte e da creación cultural, así como visitas guiadas para estudantes universitarios e de secundaria.

Ata o 30 de abril na Casa das Asociacións (rúa manuel Beiras, 3 - antiga estación de Cornes).

Mañás: de 9:00 a 14:00 horas (luns a venres) e de 10.00 a 14:00 horas (sábado)

Tardes: de 16:30 a 21:30 horas (martes a sábado)

• Tríptico informativo

"María Xosé Díaz 1980-2010" é o título da exposición que amosa unha compilación da obra desta artista nada en Catoira. A mostra está comisariada por Antonio Garrido Moreno.

Do 11 de marzo ao 20 de xuño, no Auditorio de Galicia.

A Banda Municipal de Música de Santiago de Compostela interpretará neste concerto didáctico para mozos unha compilación de bandas sonoras en directo e paralelamente á proxección das películas.

O xoves 22 e o venres 23 de abril, ás 11:00 horas, no Auditorio de Galicia.

O Cirque du Soleil chega por primeira vez a Galicia. 50 artistas de 20 nacionalidades e 140 profesionais representan o espectáculo Saltimbanco, unha exhibición de acrobacias, maxia, luz e son dirixida a todos os públicos.

No Multiusos Fontes do Sar.

Mércores 21 de abril, ás 21:30 horas.
Xoves 22 de abril, ás 17:30 e 21:30 horas.
Venres 23 de abril, ás 17:30 e 21:30 horas.
Sábado 24 de abril, ás 17:30 e 21:30 horas.
Domingo 25 de abril, ás 17:00 horas.

Nenos, mozos e adultos están convidados a participar neste obradoiro artístico que se desenvolverá ao longo de cinco tardes e que ten por obxectivo crear un mural no portalón exterior do centro sociocultural.

Valéndose do graffiti como ferramenta, crearase un mural artístico coa técnica do trampantollo. O colectivo de cómic Cerditos de Guinea será os encargado de coordinar o obradoiro.

Do 20 ao 24 de abril, no Centro Sociocultural das Fontiñas.

O programa Aula de Xogo da Rede de Centros Socioculturais organiza este campionato anual de xogos tradicionais, nesta ocasión centrado nos xogos con pelotas.

O venres 23 de abril, ás 18:00 horas, no Centro Sociocultural das Fontiñas. Inscrición previa.

No marco da Aula de Xogo, O soño dunha noite de verán para os nenos e nenas do CSC das Fontiñas.

O venres 23 de abril, ás 19:00 horas, no Centro Sociocultural das Fontiñas.

Pauliine Maasik e Ariel Ninas forman un dúo de violín e zanfona, 25 Cordas, que interpreta composicións propias e repertorio tradicional de Galicia e Estonia, orixe dos intérpretes.

O venres 23 de abril, ás 20.30 horas, no Centro Sociocultural e Xuvenil do Ensanche.

A Zona "C" acolle a exposición fotográfica de Antía Moure, titulada Grandes Batallas.

Ata o 21 de maio, na Zona "C".

Mostrarlle ao público as considerables achegas das mulleres á ciencia da Astronomía ao longo da historia. Este é o principal obxecto da mostra Con A de astrónomas. Unha visión do Cosmos na fin do camiño das estrelas.

A Concellería de Educación colabora nesta exposición, promovendo a participación do alumnado da cidade.

No Colexio de Fonseca ata o 29 de abril.

No marco do programa Santiago Encantado, a narradora uruguaia Soledad Felloza achegará aos nenos e nenas un bo feixe de historias coas que avivar as súas ganas de ler.

O venres 23 de abril, ás 20:00 horas, no Centro Sociocultural Aurelio Aguirre de Conxo.

No acto de entrega dos premios da VII edición do Certame de Poesía Aurelio Aguirre e do IX Certame de Relato Curto José Saramago haberá un recital poético a cargo de María Lado e Lucía Aldao.

O venres 23 de abril, ás 20:00 horas, no Centro Sociocultural das Fontiñas.

A compañía Bengala Producións pon en escena Master Class de Terrence McNally. Con Mabel Ribera, Lino Braxe e María Torres.

O venres 23 e o sábado 24 de abril, ás 21:00 horas, no Teatro Principal.