Axenda

O Auditorio de Galicia presenta unha colección de fotografías, comisariada por Sandra Balsells. Nela, dez artistas pretenden retratar os escenarios conflictivos do mundo, desde a Revolución dos Cravos ata a Guerra de Irak.

Sandra Balsells, Javier Bauluz, Clemente Bernad, Paco Elvira, Cristina García Rodero, Santiago Lyon, Kim Manresa, Enric Martí, Fernando Moleres e Gervasio Sánchez son os autores das imaxes desta mostra, titulada Latexos dun mundo convulso, que ofrece unha ollada comprometida sobre a realidade.

Do 17 de setembro ao 2 de novembro, no Auditorio de Galicia.

Celébrase a Semana Oficial do VI Festival de Curtametraxes Curtocircuíto. Nesta edición hai preto de 2.600 curtas inscritas, procedentes de 93 países diferentes, para participar nas seccións do festival: Internacional, Española, Galega e Explora.

Do 10 ao 17 de outubro, no Teatro Principal.

Dentro da programación do festival Curtocircuíto deste ano inclúese esta mostra fotografías que retratan a cinematografía española. Imaxes de nove fotógrafos de rodaxe que ensinarán o que se esconde tras as cámaras.

Instantes roubados de Ágora, Los Abrazos Rotos ou El orfanato entre outras producións estarán expostas na Zona para regalar os ollos alleos unha mirada dende o interior, e mostrar a ilusión cinematográfica.

Ata o 25 de outubro, na Zona C.

Toca á súa fin o X Ciclo de Lied de Santiago de Compostela. O cuarto e último concerto desta tempada corre a cargo da mezzosoprano Bernarda Fink.

A arxentina interpretará, acompañada ao piano polo mestre Roger Vignoles, pezas de Schubert e máis as cancións bíblicas e melodías cíngaras de Dvorak.

O xoves 15 de outubro, ás 21:00 horas, no Teatro Principal.