Sábado 20 de decembro 2008
Axenda
"Artisticamente (in)correcto", de Amaya González, na Zona "C"
A Zona "C" compostelá cede o seu espazo a unha artista moza de Pontevedra, Amaya González, que realizará unha intervención artística baixo o título de Artisticamente (in)correcto.
Do 18 de decembro ao 8 de febreiro na Zona "C".
Axenda
O espectáculo infantil "O libro da selva" chega ao Auditorio de Galicia
O espectáculo infantil O libro da selva chega ao Auditorio de Galicia o 20 de decembro. Os rapaces e as rapazas de Santiago poderán gozar das aventuras do pequeno Mowgli, o oso Baloo e a panteira Bagheera.
O sábado 20 de decembro, ás 17:00 e 19:00 horas, no Auditorio de Galicia.
Axenda
A mostra "Marxes e Mapas", no Auditorio de Galicia
Marxes e Mapas é unha mostra colectiva pensada como un conxunto de miradas ao redor dun mapa creativo que toma como punto de partida mediados da década dos noventa, ao ser este momento inicio e afirmación dunha serie de importantes mudas e procesos na realidade galega e toma como referencia contextual a mostra A arte inexistente.
Do 9 de otubro de 2008 ao 1 de febreiro de 2009, no Auditorio de Galicia.
Axenda
"Femenine" pecha a edición de 2008 de SCQ Danza
A edición de 2008 de SCQ Danza celebra a súa fin de festa coa actuación da compañía portuguesa Paulo Ribeiro e a súa peza Femenine.
O sábado 20 de decembro, ás 21:00 horas, no Auditorio de Galicia.
