Martes 18 de xaneiro 2011
Axenda
"Poesía suspensa" na Zona C
Poesía suspensa é unha mostra poética e pictórica comisariada por Luciano Rodríguez e Emilio Liñares que se puido ver ao longo do Camiño de Santiago nalgún dos seus albergues máis representativos. Agora exhíbese en Santiago.
Do 3 de decembro ao 30 de xaneiro na Zona C.
Axenda
Korda: Coñecido Descoñecido
Exposición retrospectiva do fotógrafo cubano Alberto Korda, mundialmente coñecido polo seu retrato do Che Guevara.
Do 22 de decembro de 2010 ao 27 de marzo de 2011, no Auditorio de Galicia.
Axenda
Mercado entre lusco e fusco
Nova entrega dos Mercados entre lusco e fusco, mercados de productos ecolóxicos e de proximidade previstos para os martes no serán nas terrazas do Parque de Belvís.
Os colectivos que impulsan este mercado tradicional periódico de produtos de tempada e de proximidade son a cooperativa de consumo responsable Eirado, xunto cos colectivos de produtores Hortiña da Ponte e Lentura, apoiados por Andaime, asociación de enxeñería social e ambiental.
A Concellaría do Medio Ambiente apoia esta iniciativa que contribúe a aproveitar as potencialidades do parque de Belvís e tamén axuda a achegar á veciñanza, nun horario diferente, produtos sans e de calidade, cultivados de xeito respectuoso co ambiente.
O martes 18 de xaneiro, a partir das 18:00 horas, nas terrazas de Belvís.
