Axenda

O Auditorio de Galicia acolle unha mostra retrospectiva da obra de Manuel Outumuro, reputado fotógrafo ourensán de moda afincado en Barcelona, que percorre dúas décadas de traballos.

Ata o 12 de decembro na Sala Isaac Díaz Pardo do Auditorio de Galicia.

O Festival Internacional de Títeres Galicreques cumpre xa 15 anos de vida e xa trouxo a Compostela máis de 300 compañías provintes de todo o mundo. Nesta edición, oportunidade de ver en directo a 20 compañías de diferentes países e con variedade de estilos e tipografías: sombras, fíos, luvas, guiñois, máscaras e outras.

Do 2 ao 10 de outubro, en varios espazos da cidade.

Nove artistas internacionais transforman Santiago de Compostela durante dous meses no marco do proxecto expositivo A Cidade Interpretada. Estes creadores realizarán diversas intervencións artísticas de carácter temporal en diferentes lugares da cidade dentro desta iniciativa, comisariada por Pablo Fanego.

A Cidade Interpretada contará coas intervencións do artista romanés Mircea Cantor; a parella holandesa Lonnie van Brummelen & Siebren de Haan; a francesa Latifa Echakhch; o austríaco Andreas Fogarasi; o romanés Daniel Knorr; o galego Rubén Santiago; o alemán Florian Slotawa e o neozelandés Michael Stevenson.

Ata o 28 de novembro, en diversos espazos da cidade.

• Máis información

Artes escénicas en Conxo da Man de Teatro das Mulleres Lúdicas coa obra Un cadáver no salón

O sábado 9 de outubro, ás 20:00 horas, no Centro Sociocultural de Conxo.

O cantautor Joaquín Sabina visita Compostela para ofrecer en directo os temas do seu novo disco e algunhas das súas cancións máis clásicas.

O sábado 9 de outubro, ás 22:00 horas, no Multiusos Fontes do Sar.