Axenda

O Auditorio de Galicia acolle unha mostra que leva por título Mulleres en plural. As mulleres a través do obxectivo dos grandes fotógrafos do século XX. Está comisariada por Lola Garrido e conta con traballos de fotógrafos de talla internacional como Robert Frank, Alberto García-Alix ou o galego Vari Caramés.

Do 11 de xuño ao 2 de agosto, no Auditorio de Galicia.

A Zona "C" da rúa de Bonaval é unha iniciativa da concellaría de Cultura que xurdiu hai máis dun ano coa finalidade de achegar un espazo a artistas novos de Compostela de se dar a coñecer ante a crítica e o público da cidade. Neste caso foi Montse Rego a que preparou unha exposición específica para o espazo da galería que leva por nome Diñeiro.

Do 29 de abril ao 14 de xuño, na Zona "C".

O Centro Sociocultural do Ensanche organiza unha xornada que pretende recuperar os xogos pupulares entre os máis pequenos da cidade, cun feixe de actividades na praza Roxa.

O sábado 13 de xuño, ás 12:00 horas, na Praza Roxa.

Verdegaio nace en 2005 co ánimo de gozar facendo música tradicional e compartila en bailes, festivais e foliadas. Ao longo destes anos viaxaron co seu repertorio a Irlanda, Francia, Portugal e Estados Unidos.

O sábado 13 de xuño, ás 21:00 horas, no Centro Sociocultural e Xuvenil do Ensanche.

As gañadoras da segunda edición do concurso A polo Ghit, as compostelás Sacha na Horta, ofrecen un concerto no ciclo Revelando Voces, que achega aos centros socioculturais da cidade concertos de grupos galegos que comezan a soar con forza no panorama musical contemporáneo.

O sábado 13 de xuño, ás 21:00 horas, no Centro Sociocultural "José Saramago" de Vite.