Axenda

Enmarcada na programación do Festival internacional de Curtametraxes, Curtocircuíto, Un acto heroico é unha mostra na que David Rubín presenta algúns dos seus debuxos máis espectaculares co mundo dos superheroes como leit motiv.

Do 28 de abril ao 26 de xuño na Zona C (San Domingos de Bonaval).

A exposición A memoria da xente seguen a súa andaina polos barrios composteláns. Trátase dunha mostra gráfica e audiovisual que converte en protagonistas as pequenas historias anónimas de Compostela e aborda ao conxunto da cidade desde 1900 ata 1975.

Do 24 de maio ao 7 de xuño no Centro Sociocultural da Trisca.

Novo concerto dominical da Banda Municipal de Música, dirixida por Xosé Carlos Seráns.

O domingo 5 de xuño, ás 12:00 horas, na rúa do Vilar.

No marco das Xornadas Interculturais A Venezuela descoñecida, represéntase no Teatro Principal a obra A Patria é unha muller, escrita por Judith Rodríguez e dirixida por Obel Hidalgo. Tres mulleres das moitas que percorreron o país, coas súas loitas, dores e amores. Tres mulleres que aínda percorren o país amosando a outra cara da historia. Organiza a Concellería de Participación Cidadá en colaboración coa Asociación de Venezolanos de Santiago.

O domingo 5 de xuño, ás 20:00 horas, no Teatro Principal.

O Auditorio de Galicia produce unha nova exposición, baixo o título Casus belli + Refutación do contexto, comisariada por Ángel Cerviño e Alberto González Alegre. A mostra xira en torno aos conflitos de recepción na arte contemporánea. Inclúe obras de: Jorge Barbi, Xosé Carlos Barros, Fernando Casás, Xavier Correa Corredoira, Marisa Fernández, Manolo Figueiras, Juan Loeck, Alain Magri, Rut Massó, Din Matamoro, Manuel Moldes, Marina Núñez, Simón Pacheco, Pelucas, Diego Santomé, Xoán Torres, Jesús Valmaseda, Proxecto Buraco e Proxecto Ocultacións.

Do 6 de abril ao 17 de xullo, no Auditorio de Galicia.