Domingo 7 de abril 2013
Axenda
Unidos pola arte
A exposición Unidos pola arte. Colección de pintura do Concello de Santiago de Compostela e do Consorcio de Santiago expón por primeira vez conxuntamente ao público unha ampla selección de obras que forman parte das coleccións de pintura do Concello de Santiago e do Consorcio da Cidade de Santiago de Compostela. Parte deste patrimonio atópase depositado no Auditorio de Galicia, cuxa sala acolle esta proposta, que está comisariada por Juan Conde Roa
A mostra pode visitarse en horario de 10:00 a 14:00 e de 16:00 a 19:00 horas todos os días. Entrada gratuíta.
Máis información: Compostela Capital Cultural
Axenda
Banda Municipal e Conservatorio Profesional de Santiago
A Banda Municipal de Música de Santiago ofrece o seu habitual concerto dos domingos nos que achega a música a todos os composteláns e visitantes. Nesta ocasión estará acompañada de integrantes do Conservatorio Profesional de Santiago.
O domingo 7 de abril, ás 12:00 horas.
Máis información: Compostela Capital Cultural
Axenda
"A fábula galénica", títeres por Fantoches Baj
No espectáculo A fábula galénica, títeres de luva interpretan dentro dunha preciosa radio antiga unha divertida historia de absoluta actualidade que bebe dos contos populares. Narrado coma se dun programa de teatro radiofonico se tratase, cóntase como na comarca de Catasós ven reducidos os seus recursos polo desexo do Rei Don Cardo de construírse un castelo novo e desproporcionado. Isto obriga ao Burro Eduardo xunto coa raposa, o lobo e o regato a organizárense na súa loita contra o Rei para recuperar a vida da fraga e a súa contorna.
O domingo 7 de abril, ás 18:30 horas, no Teatro Principal.
O luns 8 e o martes 9, ás 10:00 e 12:00 horas, funcións escolares tamén no Teatro Principal.
Máis información: Compostela Capital Cultural
Axenda
"Faust Box"
O Fausto de Goethe expresa con total claridade a dualidade do ben e o mal e ao individuo como unha bifurcación na cal hai que escoller. A maldade de Fausto habita en Mefistófeles, un individuo (servo do demo) que o acompaña permanentemente e que cumpre as súas vontades. En Faust Box, Ut-Tópico Teatro ofrece a súa particular visión da obra.
O xoves 4, o venres 5 e o sábado 6, ás 20:30 horas; e o domingo 7 de abril, ás 19:30 horas, na Zona C.
Máis información: Compostela Capital Cultural
