Axenda

Memoria de Peregrinación. Camiño de Santiago, Primeiro Itinerario Cultural Europeo é unha mostra audiovisual realizada por Manuel Valcarcel e Alexandro González sobre a ruta de peregrinación a Santiago, dende Europa central ata Compostela, na que se destacan os camiños, paisaxes históricos e lugares da memoria común europea ligados ás peregrinacións xacobeas.

Ata o 27 de decembro, no Museo das Peregrinacións e de Santiago.

A exposición Unidos pola arte. Colección de pintura do Concello de Santiago de Compostela e do Consorcio de Santiago expón por primeira vez conxuntamente ao público unha ampla selección de obras que forman parte das coleccións de pintura do Concello de Santiago e do Consorcio da Cidade de Santiago de Compostela. Parte deste patrimonio atópase depositado no Auditorio de Galicia, cuxa sala acolle esta proposta, que está comisariada por Juan Conde Roa

A mostra pode visitarse en horario de 10:00 a 14:00 e de 16:00 a 19:00 horas todos os días. Entrada gratuíta.

Máis información: Compostela Capital Cultural

En Cento oitenta segundos, o artista Jesús de la Iglesia presenta unha proposta de intervención inédita, comisariada por Rocío Figueroa, basada nunha liña de investigación que ven desenvolvendo aorredor do retrato dentro do vídeo arte.

Dende o 28 de novembro e ata febreiro de 2013, na Zona "C".

Máis información: Compostela Capital Cultural

A Federación Galega de Teatro Afeccionado celebra a XI edición do Festival Agustín Magán do 6 ao 11 de decembro no Teatro Principal. En total seis espectáculos de outras tantas compañías que presentan o seu traballo ante o público. Os espectáculos serán todos ás 20:30 horas e cun custe de entrada de 3 euros.

Do 6 ao 11 de decembro, ás 20:30 horas, no Teatro Principal:

- Xoves 6: NNC Teatro, Pim, pam, clown!.
- Venres 7: Trécola Teatro, A historia do corazón reloxo.
- Sábado 8: Gargallada, Quimera.
- Domingo 9: O Aturuxo de Melpómene, Café.
- Luns 10, Mulleres de Moaña, A balada do cárcere de Circe.
- Martes 11, Paso de Valverde, Sánatos.

Máis información: Compostela Capital Cultural