Axenda

A Alameda alberga ata o 3 de febreiro unha pista de xeo de 60 x 12,5 metros, proporcionando aos patinadores unha superficie de xeo de 500 metros cadrados.

Horarios e prezos:

- Período lectivo: luns a xoves, de 9:00 a 14:00 (só centros escolares) e de 17:00 a 21:00 horas; venres, de 9:00 a 14:00 (só centros escolares) e de 16:30 a 22:00 horas; sábados e domingos, de 11:00 a 14:00 e de 16:30 a 22:00 horas. Haberá sesións nocturnas os venres, sábados e vésperas de festivo de 23:00 a 2:00 horas.

- Período de vacacións de Nadal: luns a domingo, de 11:00 a 14:00 e de 16:30 a 22:00 horas. Sesións nocturnas os venres, sábados e vésperas de festivo de 23:00 a 2:00 horas.

A entrada xeral por 57 minutos, con patíns incluídos, custa 7,5 euros e, sen patíns, 4,5 euros. A entrada xeral sen limitación de tempo custa 10 euros con patíns e 5,5 euros sen eles. Hai un prezo especial para as entradas dos escolares, a 4 euros cos patíns. Ademais, existe a posibilidade de adquirir unha cartilla de 10 euros que facilita descontos en función do número de veces que se pase pola pista.

Ata o 3 de febreiro, na Alameda.

A exposición Unidos pola arte. Colección de pintura do Concello de Santiago de Compostela e do Consorcio de Santiago expón por primeira vez conxuntamente ao público unha ampla selección de obras que forman parte das coleccións de pintura do Concello de Santiago e do Consorcio da Cidade de Santiago de Compostela. Parte deste patrimonio atópase depositado no Auditorio de Galicia, cuxa sala acolle esta proposta, que está comisariada por Juan Conde Roa

A mostra pode visitarse en horario de 10:00 a 14:00 e de 16:00 a 19:00 horas todos os días. Entrada gratuíta.

Máis información: Compostela Capital Cultural

Violeta en Compostela é un conto musical plantexado co obxectivo de divulgar os instrumentos de corda e as súas posibilidades a través, especialmente, da viola. As intépretes son nenas de 10-11 anos, alumnas do Conservatorio de Música Profesional de Santiago. A maioría tocan a viola e acompáñanas unha violonchelista e unha percusionista. É un traballo plantexado e desenvolvido dende a clase colectiva de viola, guiado polos profesores Itsaso Bermejo (profesora de viola) e Lorenzo de los Santos (pianista, que os acompaña tamén durante o conto).

O venres 1 de febreiro, ás 10:15 e ás 12:00 horas, e o sábado 2, ás 12:00 horas, no Auditorio de Galicia.

A Concellería de Centros Socioculturais preparou un amplo calendario de actividades para o Entroido, agrupadas no programa Vive o Entroido. Son máis de 100 actividades en toda a rede de centros e locais socioculturais, que este ano, ademais, participarán activamente no desfile do martes de Entroido e na queima do Meco.

Do 22 de xaneiro ao 23 de febreiro nos centros socioculturais.

• Programa de actividades

Adianto da obra teatral O home almofada, que se representará no Teatro principal o mércores 27 e o xoves 28 de febreiro. Un thriller trepidante e malvadamente cómico. Nun país totalitario sen nome, unha escritora agarda ser interrogada pola policía. O home almofada é unha peza de intriga, onde nada é o que semella, tenra e sarcástica a un tempo, e onde o humor negro semella ser o único xeito de enfrontarse coa dureza da vida.

Os días 30 e 31 de xaneiro e o 1 de febreiro, ás 20:30 horas, en A Regadeira de Adela.

Máis información: Compostela Capital Cultural

Rober Bodegas estrea en Santiago o seu novo espectáculo, El umbral de la estupidez, dentro do ciclo Falabaratos.

O xoves 31 de xaneiro e o venres 1 de febreiro, ás 21:00 horas, no Teatro Principal.

Máis información: Compostela Capital Cultural