Contratación da xestión e produción técnica do II Festival dos Abrazos
A Presidenta do Consello Reitor do organismo autónomo local Auditorio de Galicia resolveu con data 4 de agosto de 2009 a ADXUDICACIÓN PROVISIONAL da contratación do servizo de xestión e produción técnica do Festival dos Abrazos 2009 á empresa e-burbulla, S,A. por un importe de 51.724,14 euros (cincuenta e un mil setecentos vintecatro euros con catorce céntimos de euro).
A empresa adxudicataria dispón dun prazo de 15 días hábiles a contar desde o día seguinte ao de publicación deste anuncio na páxina web para facer efectivo o importe correspondente á fianza definitiva (2.586,21 euros), así como a presentación dos documentos que acrediten fehacientemente que se atopa ao corrente nas súas obrigas tributarias e da seguridade social.
Data de publicación da adxudicación provisional na web: 05.08.2009
Data límite para a presentación da documentación sinalada: 24.08.2009