Avisos

A partir de hoxe, martes 14 de xullo, e durante dúas semanas pecharase a ruela da Tafona para a execución de obras de canalización de fibra óptica. Permitirase o paso peonil.

O Concello de Santiago prega á cidadanía desculpe as molestias que estas alteracións lles poidan ocasionar.

Mañá, mércores 14 de xullo, comezará a montaxe na praza do Obradoiro do escenario no que se celebrarán as actuación do martes 20 (monólogos "Sen Restricións" e actuación de Cantigas e Agarimos), mércores 21 (Luz Casal e a Real Filharmonía de Galicia) e xoves 22 (Xornadas de folclore galego). Dende esa data e ata a desmontaxe total, o venres 23, a praza permanecerá parcialmente ocupada.

O Concello de Santiago prega á cidadanía que desculpe as molestias que esta circunstancia poida ocasionar.

Por mor das tarefas de integración do Rexistro Xeral do Concello no Sistema de Interconexión de Rexistros (SIR), os envíos de solicitudes e documentos a outras Administracións Públicas suspéndense ata o día 15 de xullo de 2021.

As persoas que necesiten remitir instancias ou documentos a outras Administracións poden acudir, en tanto, ás oficinas de Rexistro doutras Administracións ou ás de Correos.

O Concello prega á cidadanía que desculpe as molestias causadas.

O servizo de Xestión, Recadación e Inspección do Concello de Santiago, comeza hoxe, venres 9 de xullo, o envío por correo postal dos recibos non domiciliados correspondentes ao IBI (Imposto de Bens Inmobles) tanto rústico como urbano.

En todos os recibos figura a nova modalidade de ingreso, que recolle dúas datas de pago. A primeira delas, co importe principal e o prazo de abono. Se non se ingresa o importe no prazo establecido, amplíase a data de pago por outros 15 días, pero incluíndo nese importe o recargo do período executivo, que é dun 5%.

O Rexistro Xeral cambia a modalidade do seu horario co fin de dar unha mellor atención á cidadanía. Quedaría do seguinte xeito:

SEN CITA PREVIA
De 09:00 a 10:30 horas
Atenderanse ata un máximo de 40 números, solicitando quenda na máquina dispensadora de citas

CON CITA PREVIA
Horario de verán: 15 de xuño ao 15 de setembro
De 11:00 a 13:00 horas

Horario de inverno: o resto dos días do ano
De 11:00 a 14:00 horas

Por outra banda, o Concello lembra que toda aquela documentación relacionada co departamento de Atención ao Contribuínte só será recollida nese departamento.

No marco das obras na avenida de Lugo e Rodríguez de Viguri, con motivo dos traballos no carril ascendente, desviarase a circulación á altura da Cruz Vermella pola rúa de Londres e rúa de Lisboa dende as 8.00 horas de mañá, venres 9 de xullo.

Transporte urbano
Este corte afecta ás liñas 9, 13, C2, C5 e C11 e á parada 128, rúa Berlín (centro sociocultural).

Na web de Tussa (www.tussa.org) poden consultarse as paradas suprimidas e alternativas, así como os itinerarios de desvío por liña.

O Concello de Santiago prega á cidadanía desculpe as molestias que estas alteracións lles poidan ocasionar.

Información do servizo de transporte con motivo dos concertos que terán lugar na Cidade da Cultura, enmarcados no ciclo "Atardecer no Gaiás", os xoves e venres dos meses de xullo e agosto:

O acceso á Cidade da Cultura pódese realizar coa liña 9. No enlace adxunto figuran os horarios e itinerario da liña.
Para a volta tras a finalización dos concertos, a saída da liña C11 ás 22:21 do C.C. As Cancelas fará prolongación á Cidade da Cultura saindo ás 22:30, e continuando o seu percorrido habitual cara o centro.

Días:

-Mes de xullo de 2021: días 8, 9, 15, 16, 22, 23, 29 e 30.
-Mes de agosto de 2021: días 5, 6, 12, 13, 19, 20, 26 e 27.

O sábado 10 e o domingo 11 de xullo, o servizo na liña 9 á CDC verá ampliado o seu horario con motivo da campaña de vacinación que se leva a cabo na instalación. Consulten os servizos de transporte:

*Liña 9 (horarios para o sábado 3/7):

Saídas de Casas Novas á Cidade da Cultura: de 8:30 a 15:30 (cada 60')
Saídas da Cidade da Cultura á Casas Novas: de 9:00 a 16:00 (cada 60')

*Liña 9 (horarios para o domingo 4/7):

Saídas de Casas Novas á Cidade da Cultura: de 8:30 a 21:30 (cada 60')
Saídas da Cidade da Cultura á Casas Novas: de 9:00 a 22:00 (cada 60')

*Liña C11 (horarios os sábados):

Prolongacións á Cidade da Cultura (horas aproximadas por Xeneral Pardiñas), 17:30 19:45 20:00

*Liña C11 (horarios os domingos e festivos):

Prolongacións á Cidade da Cultura (horas aproximadas por Xeneral Pardiñas), 10:30 13:30 17:15 19:30

Mañá, sábado 3 de xuño, pecharase ao tráfico a rúa de Xeneral Pardiñas, no tramo comprendido entre as rúas da República Arxentina e da República do Salvador, por mor da instalación dun guindastre para unha obra particular.

Transporte urbano
As liñas con paso por Xeneral Pardiñas realizarán os desvíos indicados, nos servizos a partir das 8:00 e ata a finalización dos traballos na vía.

Quedan suprimidas as seguintes paradas:
-673 Xeneral Pardiñas nº 35

-674 Xeneral Pardiñas nº 7

*Liñas 5, 15 e P6: desde República Arxentina desviarase pola praza de Puente Castro, rúa do Hórreo e cambio de sentido na pza. de Galicia para acceder á parada habitual na ferretería.

*Liña 13: rematará o seu percorrido na pza. de Galicia.

*Liña C11: desde a rúa Santiago de Guayaquil desviarase pola rúa do Hórreo e cambio de sentido na pza. de Galicia para acceder á parada habitual na ferretería.

O Concello de Santiago prega á cidadanía desculpe as molestias que estas alteracións lles poidan ocasionar.

Dende o luns 5 ata o martes 13 de xullo procederase con traballos de conservación, mantemento e reparación de pavimentos en varias rúas da cidade.

- Luns 5 e martes 6: as obras afectarán ás rúas de Vedra, Xoana Nogueira, Amor Ruibal, Pintor Laxeiro, Pintor Xaime Quesada e Brión. Serán en horario diurno. Haberá cortes puntuais e desviarase a circulación polos viais alternativos.
- Martes 6 e mércores 7: as rúas afectadas serán Canfranc, baixada da rotonda inferior de Pontepedriña (sentido saída), Vázquez Cacharrón, Josefa García Segret e avenida Fernando Casas Novoa. Tamén en horario diurno, con cortes puntuais en algún punto e paso alernativo á circulación noutros.
- Xoves 8: en horario nocturno procederase ao mantemento das rúa de Santiago de Chile, Frei Rosendo Salvado, Xeneral Pardiñas e avenida de Rosalía de Castro. Haberá cortes puntuais nalgúns tramos e paso alternativo noutros.
- Venres 9: tamén en horario nocturno, as obras a realizar van ser na rotonda inferior da avenida de Lugo con Clara Campoamor, na rúa do Escultor Asorey, Hórreo e rúa Aller Ulloa. Produciranse cortes na circulación e desviarase o tráfico polos viais alternativos.
- Luns 12 e martes 13: de novo en horario diurno, as obras afectarán ás rúas Ponte Nova de Abaixo, Caraveis, Vidán, Ponte de Vidán e avenida Mestra Victoria Míguez. Haberá cortes puntuais e paso alternativo para a circulación.

O Concello de Santiago prega á cidadanía que desculpe as molestias que estas alteracións lles poidan ocasionar.